(ព្រះសីហនុ)៖ លោក បួយ រតនា អនុប្រធានរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានអះអាងថា ទូកនេសាទប្រមាណ ១,៥១៥ គ្រឿង ត្រូវបានបំពាក់ឧបករណ៍ VMS នៅតាមបណ្ដាខេត្តជាប់ឆ្នេរសមុទ្រទាំង៤។

ការបញ្ជាក់នេះ ត្រូវបានធ្វើឡើងក្នុងដំណើរទស្សនកិច្ចរបស់អ្នកសារព័ត៌មាន ដែលដឹកនាំដោយ កញ្ញា អ៉ឹម រចនា អនុរដ្ឋលេខាធិការ នៃក្រសួងកសិកម្ម រុក្ខាប្រមាញ់ និងនេសាទ ដោយមានវត្តមានតំណាងលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក៏ដូចជាតំណាងអង្គការ FAO និងអាជ្ញាធរមូលដ្ឋានជាច្រើន។

លោក បួយ រតនា បានបញ្ជាក់ថា ការបំពាក់ឧបករណ៍ VMS ត្រូវបានអនុវត្តជា ២ ដំណាក់កាល៖

ដំណាក់កាលទី១៖ បំពាក់លើទូកនេសាទខ្នាតធំ ចាប់ពី ១៨ ម៉ែត្រ ឡើង ចំនួន ១២៥ គ្រឿង។ ក្រសួងយល់ថាទូកទាំងនេះ អាចចេញពីតំបន់សេដ្ឋកិច្ចផ្ដាច់មុខរបស់កម្ពុជា (EEZ)។

ដំណាក់កាលទី២៖ អនុវត្តរយៈពេល ២ ឆ្នាំ សរុបចំនួន ១,៥០០ គ្រឿងសម្រាប់ទូកនេសាទខ្នាតមធ្យម ដើម្បីពិនិត្យទីតាំងនេសាទ និងជៀសវាងការនេសាទនៅតំបន់អភិរក្ស។

សូមស្តាប់ការលើកឡើងពិសេសពី លោក បួយ រតនា៖