(ភ្នំពេញ)៖ អនុវត្តតាមបទបញ្ជាផ្ទាល់ពីឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ កម្លាំងជំនាញព្រហ្មទណ្ឌនៃអធិការដ្ឋាននគរបាលខណ្ឌបឹងកេងកងសហការជាមួយកម្លាំងជំនាញផែនការងារនគរបាលព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ កម្លាំងជំនាញនៃនាយកដ្ឋាននគរបាលព្រហ្មទណ្ឌ បានស្រាវជ្រាវតាមជំនាញបង្រ្កាបក្មេងទំនើង៧នាក់ករណី ហិង្សាដោយចេតនា (វាយគ្នាទៅវិញទៅមក) ប្រព្រឹត្តនៅចំណុចផ្លូវព្រះមុនីវង្ស ភូមិ០១ សង្កាត់បឹងកេងកងទី២ ខណ្ឌបឹងកេងកង កាលពីថ្ងៃទី២៦ ខែធ្នូ ឆ្នាំ២០២៥ នាវេលាម៉ោងប្រហែល ០៣:០០ ទៀបភ្លឺ ។

ក្រោយកើតហេតុ នៅថ្ងៃដដែលវេលាម៉ោងប្រហែល ១៤:៣០ កម្លាំងជំនាញធ្វើការស្រាវជ្រាវឃាត់ជនសង្ស័យ ៤ នាក់ ៖
១-ឈ្មោះ លឹម លីហៀង ភេទប្រុស អាយុ១៧ឆ្នាំ ជនជាតិខ្មែរ (គ្មានសារធាតុញៀន) ។
២-ឈ្មោះ ហួង ម៉េងគ័ង ភេទប្រុស អាយុ១៧ឆ្នាំ ជនជាតិខ្មែរ (គ្មានសារធាតុញៀន) ។
៣-ឈ្មោះ ឃុត សុភ័ក្រ ភេទប្រុស អាយុ១៩ឆ្នាំ ជនជាតិខ្មែរ (គ្មានសារធាតុញៀន) ។
៤-ឈ្មោះ ឌី ដារ៉ា ភេទប្រុស អាយុ១៥ឆ្នាំ ជនជាតិខ្មែរ (គ្មានសារធាតុញៀន) ។

បន្ទាប់មករហូតដល់ម៉ោងប្រហែល ១៧:១០នាទី ថ្ងៃដដែល កម្លាំងជំនាញបានបន្តធ្វើការស្រាវជ្រាវឃាត់ខ្លួនជនសង្ស័យចំនួន ០៣ នាក់ បន្ថែមទៀតរួម ៖
១.ឈ្មោះ សុំ សស៊ីនិល ភេទប្រុស អាយុ៣១ឆ្នាំ ជនជាតិខ្មែរ
២.ឈ្មោះ ហ៊ឹម បូណា ភេទប្រុស អាយុ៣០ឆ្នាំ ជនជាតិខ្មែរ ។
៣.ឈ្មោះ ស៊ៀង គឹមសេង ភេទប្រុស អាយុ២៩ឆ្នាំ ជនជាតិខ្មែរ ។

យ៉ាងណាមិញ នៅលស់ជនសង្ស័យចំនួន ០២ នាក់ទៀត សមត្ថកិច្ចកំពុងធ្វើការងារតាមជំនាញ ដើម្បីបន្តឃាត់ខ្លួន។

ក្នុងប្រតិបត្តិការនេះ សមត្ថកិច្ចបានដកហូតវត្ថុតាងរួមមាន ៖ ម៉ូតូ ០៣គ្រឿង ,ទូរស័ព្ទដៃ ០៤គ្រឿង និង ធុងទឹកកក ០១ ។

បច្ចុប្បន្ន ជនសង្ស័យ ០៧ នាក់ ខាងលើ សមត្ថកិច្ចកំពុងកសាងសំណុំរឿង ដើម្បីចាត់ការតាមនីតិវិធី៕