(ស្វាយរៀង)៖ រដ្ឋបាលខេត្តស្វាយរៀង សូមធ្វើការហាមឃាត់ការអុជកាំជ្រួច និងដុតផាវគ្រប់ប្រភេទ ក្នុងឱកាសពិធីបុណ្យឆ្លងឆ្នាំថ្មី ឆ្នាំសកល ឆ្នាំ២០២៦ នៅគ្រប់មូលដ្ឋានទីតាំង ទាំងអស់ក្នុងភូមិសាស្ត្រ ខេត្តស្វាយរៀង ក្នុងន័យចូលរួមរក្សានូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយ សាធារណៈ ចៀសវាងការបង្កឱ្យមានបញ្ហាហានិភ័យ ជាយថាហេតុណាមួយ នាឱកាសពិធី បុណ្យឆ្លងឆ្នាំថ្មី ឆ្នាំសកល ឆ្នាំ២០២៦ ដែលនឹងប្រព្រឹត្តទៅនៅយប់ថ្ងៃទី៣១ ខែធ្នូ ឆ្នាំ២០២៥ ខាងមុខនេះ ។

រដ្ឋបាលខេត្តស្វាយរៀង សង្ឃឹមជឿជាក់ថា សាធារណជន បងប្អូនប្រជាពលរដ្ឋ ក្រុមហ៊ុន ស្ថាប័នរដ្ឋ ឯកជន ព្រមទាំងភ្ញៀវជាតិ-អន្តរជាតិទាំងអស់ នឹងចូលរួមអនុវត្តតាមខ្លឹម សារខាងលើ ប្រកបដោយស្មារតីទទួលខុសត្រូវខ្ពស់បំផុត៕