ស្ថានទូតអូស្រ្តាលី៖ ការដោះលែងយោធាកម្ពុជាដែលជាប់ឃុំទាំង ១៨ នាក់ នៅថ្ងៃនេះ គឺជាជំហានវិជ្ជមានមួយ ដែលនឹងជួយស្ដារឡើងវិញនូវការជឿជាក់ និងទំនុកចិត្តរវាងកម្ពុជា-ថៃ (Video inside)
31-12-2025 12:22
(ភ្នំពេញ)៖ ស្ថានទូតអូស្រ្តាលីនៅរាជធានីភ្នំពេញ បានចេញសេចក្តីប្រកាសពាក់ព័ន្ធនឹងការដោះលែងយោធិនកម្ពុជាទាំង១៨នាក់។
អូស្រ្តាលី បានជឿជាក់ថា ការដោះលែងយោធាកម្ពុជាដែលជាប់ឃុំទាំង ១៨ នាក់ នៅថ្ងៃនេះ គឺជាជំហានវិជ្ជមានមួយ ដែលនឹងជួយស្ដារឡើងវិញនូវការជឿជាក់ និងទំនុកចិត្តរវាងកម្ពុជា និង ថៃ។
បើតាមស្ថានទូត, រដ្ឋាភិបាលអូស្ត្រាលី បានជំរុញឱ្យភាគីកម្ពុជា-ថៃ បន្តគោរពតាមការប្តេជ្ញាចិត្តដែលបានធ្វើឡើងនៅក្នុងកិច្ចប្រជុំពិសេស GBC ថ្ងៃទី២៧ ខែធ្នូ។
«សន្តិភាព និងស្ថិរភាពនៅក្នុងតំបន់របស់យើង គឺជាប្រយោជន៍របស់យើងទាំងអស់គ្នា»។ នេះបើតាមស្ថានទូតអូស្រ្តាលី។
សូមជម្រាបថា យុទ្ធជនកម្ពុជា ចំនួន១៨រូប ត្រូវបានភាគីថៃបានដោះលែងប្រគល់ឲ្យមកកម្ពុជាវិញហើយ នៅព្រឹកថ្ងៃទី៣១ ខែធ្នូ ឆ្នាំ២០២៥នេះ តាមច្រកខេត្តប៉ៃលិន បន្ទាប់ពីចាប់អស់រយៈពេល១៥៥ថ្ងៃមក។
ការសម្រេចដោះលែង យុទ្ធកម្ពុជាទាំង១៨នាក់ គឺផ្អែកទៅតាមស្មារតីនៃកិច្ចប្រជុំកាលពីពេលកន្លងទៅ ពិសេសកិច្ចព្រមព្រៀងទីក្រុងកូឡាឡាំពួរ កាលពីថ្ងៃទី២៦ ខែតុលា ឆ្នាំ២០២៥ និងក្រោយរយៈពេល ៧២ម៉ោង ដែលបទឈប់បាញ់បានចូលជាធរមាន កាលពីថ្ងៃទី២៧ ខែធ្នូ ឆ្នាំ២០២៥៕
