(កំពង់ចាម)៖ លោក អ៊ុន ចាន់ដា អភិបាលខេត្តកំពង់ចាម នៅថ្ងៃទី៨ ខែមករា ឆ្នាំ២០២៦ បានដឹកនាំក្រុមការងារ អាជ្ញាធរមូលដ្ឋានចុះសួរសុខទុក្ខ និងនាំអំណោយផ្ដល់ជូនវីរៈកងទ័ពជួរមុខ៣នាក់ និងវីរៈនគរបាលម្នាក់ ដែលកំពុងសម្រាកព្យាបាលជម្ងឺ នៅមន្ទីរពេទ្យបង្អែកខេត្តកំពង់ចាម។

វីរៈកងទ័ព និងវីរៈនគរបាលទាំង៤នាក់ កំពុងសម្រាកព្យាបាលនៅមន្ទីរពេទ្យខេត្តកំពង់ចាម មានឈ្មោះដូចខាងក្រោម៖

*ទី១៖ ឈោ្មះ រឿន ចាន់ថារី អាយុ៤៥ឆ្នាំ មានទីលំនៅភូមិ ចំបក់សែនជ័យ ឃីស្រអែម ស្រុកជាំក្សាន្ត ខេត្តព្រះវិហារ
*ទី២៖ ឈ្មោះ ហ៊ាប សារិទ្ធិ អាយុ២៦ឆ្នាំ មានទីលំនៅភូមិ ពោធិ៍អាង ឃុំអញ្ចើម ស្រុកត្បូង ឃ្មុំខេត្តត្បូងឃ្មុំ
*ទី៣៖ ឈ្មោះ ចក់ ស៊ីផឿន អាយុ៣៤ ទីលំនៅភូមិទី៤ សង្កាត់វាលវង់ ក្រុងកំពង់ចាម
*ទី៤៖ ឈ្មោះ ថាវ ហ័រណាំ អាយុ២៥ឆ្នាំ ទីលំនៅភូមិចំបក់១ ឃុំចំបក់ ស្រុកព្រែកប្រសព្វ ខេត្តក្រចេះ ជានគរបាលជួរមុខ។ ពួកគាត់ទាំង៤នាក់ មានជំងឺក្នុងបេសកកម្មការពារអធិបតេយ្យភាព និងបូរណភាពទឹកដី។

លោក អ៊ុន ចាន់ដា បានយកឱកាសនោះពាំនាំនូវការផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ្រ ចន្ទមុន្នី ហ៊ុនម៉ាណែត ដែលតែងគិតគូរ ខ្វល់ខ្វាយអំពីសុខទុក្ខរបស់វីរកងទ័ពយើង និងបងប្អូនប្រជាពលរដ្ឋ។

លោកអភិបាលខេត្ត ក៏បានកោតសរសើរដល់វីរភាពដ៏អង់អាចក្លាហានរបស់កងកម្លាំងជួរមុខរបស់យើង និងក្រើនរំលឹកឲ្យពួកគាត់ខិតខំថែទាំសុខភាព ស្តាប់តាមការណែនាំរបស់របស់គ្រូពេទ្យ ដើម្បីឆាប់បានជាសះស្បើយ ឆាប់បានវិលត្រឡប់ទៅគេហដ្ឋានវិញ៕