(ព្រះវិហារ)៖ លោកស្រី លីម ដារ៉ែន ភរិយាលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបន្ដឧបត្ថម្ភសាច់ជ្រូកចំនួន១២ក្បាល ដល់កម្លាំងទាំង៤វរសេនាតូច និងកម្លាំង នៃកងពលតូចអន្ដរាគមន៍លេខ៧ ឈរជើងទិសភ្នំខ្មោច ខេត្តព្រះវិហារ។

សាច់ជ្រូកចំនួន១២ក្បាលនេះ ត្រូវបានភ្នាក់ងារ Fresh News ប្រចាំខេត្តព្រះវិហារ នាំយកទៅប្រគល់ជូនតាមបណ្ដាគោលដៅរួចរាល់ នៅព្រឹកថ្ងៃទី១០ ខែមករា ឆ្នាំ២០២៦នេះ។

ជំនួសមុខឲ្យកម្លាំងកងពលតូចអន្ដរាគមន៍លេខ៧ នាយទាហាន នាយទាហានរង សូមថ្លែងអំណរគុណយ៉ាងជ្រាលជ្រៅ ចំពោះលោកស្រី លីម ដារ៉ែន ភរិយាលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការរាជធានីភ្នំពេញ ដែលបានឧបត្ថម្ភសាច់ជ្រូក១២ក្បាល ដើម្បីផ្គត់ផ្គង់តម្រូវការប្រចាំថ្ងៃរបស់កម្លាំងជួរមុខ។

កាលពីម្សិលមិញ លោកស្រី លីម ដារ៉ែន ជួនណារិន្ទ បានឧបត្ថម្ភជ្រូកចំនួន២០ក្បាល ដល់កម្លាំងយោធាដែលឈរជើងនៅជួរមុខទិសប្រាសាទព្រះវិហារ តាថាវ និងភ្នំ៣៩៨ផងដែរ។

សូមជម្រាបថា ជានិច្ចកាលលោកស្រី លីម ដារ៉ែន ជួនណារិន្ទ តែងតែឧបត្ថម្ភទាំងគ្រឿងឧបភោគ បរិភោគ និងថវិកាជាបន្ដបន្ទាប់ដើម្បីគាំទ្រដល់កម្លាំងជួរមុខដែលកំពុងប្រកៀកស្នាគ្នាយ៉ាងរឹងមាំ ការពារបូរណភាពទឹក និងដែនអធិបតេយ្យជាតិ។ ក្រៅពីកម្លាំងជួរមុខ លោកឧត្តមសេនីយ៍ឯក ជួន ណារិន្ទ និងលោកស្រី លីម ដារ៉ែន ក៏តែងសួរសុខទុក្ខដោយផ្ទាល់កម្លាំងនគរបាល និងកងទ័ពដែលសម្រាកនៅតាមមន្ទីរពេទ្យផងដែរ៕