មន្រ្តីឧទ្យានុរក្ស និងកម្លាំងកងរាជអាវុធហត្ថ ចុះល្បាត បង្ក្រាបបទល្មើសធនធានធម្មជាតិដោះអន្ទាក់សត្វព្រៃជាង ១០០ខ្សែ ក្នុងឧទ្យានជាតិជួរភ្នំក្រវាញ និងដែនជម្រកសត្វព្រៃតាតៃ ខេត្តកោះកុង
16-01-2026 11:15
(កោះកុង)៖ កម្លាំងមន្រ្តីឧទ្យានុរក្ស បានសហការជាមួយកម្លាំងកងរាជអាវុធហត្ថលើផ្ទៃប្រទេស ដោយមានការគាំទ្រថវិកា និងបច្ចេកទេសពីអង្គការសម្ព័ន្ធមិត្តសត្វព្រៃ បានធ្វើការល្បាត រុករក ទប់ស្កាត់ និងបង្ក្រាបបទល្មើសធនធានធម្មជាតិ ដោយបានដោះអន្ទាក់សម្រាប់ដាក់យកសត្វព្រៃចំនួន ៦៨ខ្សែ ស្ថិតនៅភូមិត្រពាំងឈើត្រាវ ឃុំឬស្សីជ្រុំ ស្រុកថ្មបាំង ខេត្តកោះកុង ក្នុងឧទ្យានជាតិជួរភ្នំក្រវាញ។
ចំពោះវត្ថុតាងក្រុមការងារបានយកមករក្សាទុកនៅស្នាក់ការល្បាតវាលពីរ។
ដោយឡែកនៅដែនជម្រកសត្វព្រៃតាតៃ ស្នាក់ការល្បាតត្រពាំងរូង កម្លាំងមន្រ្តីឧទ្យានុរក្ស បានដោះអន្ទាក់សម្រាប់ដាក់យកសត្វព្រៃចំនួន ៤៩ខ្សែ លបចំនួន ០២ដៃស្មេី ០៦ម៉ែត្រ និងសន្ទូចកន្ធាយចំនួន ១០ខ្សែ ស្មេី១០០ផ្លែ និងដុំឆក់ចំនួន ០១គ្រឿង ស្ថិតនៅភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង។ ចំពោះវត្ថុតាងក្រុមការងារបានយកមករក្សាទុកនៅស្នាក់ការល្បាតត្រពាំងរូង៕
