(ភ្នំពេញ)៖ អនុវត្តតាមគោលការណ៍ដឹកនាំរបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងបញ្ជាដឹកនាំផ្ទាល់របស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាថ្ងៃទី១៥ ខែមករា ឆ្នាំ២០២៦ វេលាម៉ោង១៧៖២០នាទី កម្លាំងការិយាល័យ ព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានដឹកនាំផ្ទាល់ដោយលោកឧត្តមសេនីយ៍ត្រី ប៊ុន សត្យា ស្នងការរងទទួលផែននគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរងទទួលដឹកនាំការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវ៉ុន នាយការិយាល័យនគរបាល ព្រហ្មទណ្ឌកម្រិតស្រាល បានស្រាវជ្រាវឃាត់ខ្លួនជនសង្ស័យចំនួន៦នាក់ ជាក្មេងទំនើងជាបន្តបន្ទាប់នៅទីតាំងផ្សេងគ្នា ពីបទហិង្សាដោយចេតនា មានស្ថានទម្ងន់ទោស (ប្រើកាំបិត និងដុំថ្ម កាប់ទៅលើម៉ូតូជនរងគ្រោះបណ្តាលឲ្យរងការខូចខាតម៉ូតូចំនួន៤គ្រឿង) កើតហេតុនៅចំណុចមុខផ្ទះលេខ១៨ ផ្លូវ លេខ៥៦២ ក្នុងសង្កាត់បឹងកក់ទី១ខណ្ឌទួលគោក រាជធានីភ្នំពេញ កាលពីថ្ងៃទី១៤ ខែមករា ឆ្នាំ២០២៦។

* ជនសង្ស័យ ១៖ ឈ្មោះ សំ ដាវ៉ាន់ ភេទប្រុស អាយុ១៨ឆ្នាំ ជនជាតិខ្មែរ មុខរបរសិស្សនៅសាលាអង្គការដើម្បីភាពញញឹម ស្នាក់នៅផ្ទះជួលពុំចាំលេខ ផ្លូវលំ សង្កាត់ដង្កោ ខណ្ឌដង្កោ។ ឃាត់ខ្លួននៅចំណុចផ្លូវលំ សង្កាត់ស្ទឹងមានជ័យទី១ ខណ្ឌមានជ័យ។
២៖ ឈ្មោះ វឿន សុភារ៉ាត់ ភេទប្រុស អាយុ១៨ឆ្នាំ ជនជាតិខ្មែរ មុខរបររៀនជួសជុលឡាន ស្នាក់នៅផ្ទះពុំចាំលេខ ផ្លូវបេតុង សង្កាត់អូរបែកក្អម ខណ្ឌសែនសុខ។ ឃាត់ខ្លួននៅចំណុច ផ្លូវបេតុង សង្កាត់អូរបែកក្អម ខណ្ឌសែនសុខ។
៣៖ ឈ្មោះ ស៊ិម វឌ្ឍនៈ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលពុំចាំលេខ ផ្លូវបេតុង សង្កាត់ស្ទឹងមានជ័យទី១ ខណ្ឌមានជ័យ។ ឃាត់ខ្លួននៅចំណុចផ្លូវលំ សង្កាត់ស្ទឹងមានជ័យទី២ ខណ្ឌមានជ័យ។
៤៖ ឈ្មោះ តូច បញ្ញាបុត្រ ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះពុំលេខ ផ្លូវលំ សង្កាត់ចោមចៅទី២ ខណ្ឌពោធិសែនជ័យ។ ឃាត់ខ្លួននៅចំណុចផ្លូវលំ សង្កាត់ស្ទឹងមានជ័យទី២ ខណ្ឌមានជ័យ។
៥៖ ឈ្មោះ ហៃសុខម៉េងហៀង ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះពុំលេខ ផ្លូវលំ សង្កាត់ស្ទឹងមានជ័យទី១ ខណ្ឌមានជ័យ។ ឃាត់ខ្លួននៅចំណុចផ្លូវលំ សង្កាត់ស្ទឹងមានជ័យទី២ ខណ្ឌមានជ័យ។
និង៦៖ ឈ្មោះ គឹម ថារឹទ្ធ ភេទប្រុស អាយុ១៧ឆ្នាំ មុខរបរនិងទីកន្លែងរស់នៅមិនមានពិតប្រាកដ។

វត្ថុតាងដកហូត៖ ម៉ូតូម៉ាក HONDA C125 ពណ៌ខ្មៅ ស៊េរីឆ្នាំ២០២៥ ពាក់ស្លាកលេខភ្នំពេញ1LA-8514 និងម៉ូតូម៉ាកSCOOPY ពណ៌ខ្មៅ ស៊េរីឆ្នាំ២០២៥ ពាក់ស្លាកលេខភ្នំពេញ1LM-4184។

បច្ចុប្បន្ន ជនសង្ស័យខាងលើ រួមនិងវត្ថុតាងបានបញ្ជូនទៅការិយាល័យ ព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ដើម្បីចាត់ការបន្ត៕