(សៀមរាប)៖ កុមារី រ័ត្ន ស្រីណែត រៀនថ្នាក់ទី៥ខ នៅសាលាបឋមសិក្សាព្រៃជ្រូក ស្រុកពួក ខេត្តសៀមរាប នាព្រឹកថ្ងៃទី១៩ ខែមករា ឆ្នាំ២០២៦នេះ បានបង្ហាញចំណាប់អារម្មណ៍សប្បាយរីករាយដែលបានដាំបន្លែរួមមាន ត្រកួន ស្ពៃ ជួយជនភៀសសឹកស្ថិតនៅជម្រំចុងកាល់ ខេត្តឧត្ដរមានជ័យ។

កុមារី រ័ត្ន ស្រីណែត អនុប្រធានថ្នាក់ទី៥ខ បានឲ្យដឹងថា តាំងពីមានបញ្ហាព្រំដែនមក នៅសាលារៀនបានស្រុះដៃជើងគ្នា ជួយដាំបន្លែ ដើម្បីជាជំនួយជួយជនភៀសសឹក មានមិត្តរួមថ្នាក់ជួយមើលថែដំណាំ ដោយអ្នកខ្លះស្រោចទឹក ខ្លះយកជីមក ខ្លះជួយអូសទុយោ ខ្លះដកស្មៅជាដើម។

កុមារីរូបនេះ ក៏បានផ្ដាំផ្ញើទៅកុមារនៅជម្រំដែលមិនទាន់បានត្រឡប់ទៅផ្ទះវិញថា «ខ្ញុំអាណិតពួកគេណាស់ ព្រោះគេរត់ដោយគ្មានស្បៀងញាំគ្រប់គ្រាន់ […] ខ្ញុំសំណូមពរឲ្យអ្នកទាំងអស់គ្នាញាំឲ្យបានគ្រប់គ្រាន់ចុះ ចាំខ្ញុំដាំបានផលខ្ញុំផ្ញើទៅទៀត និងជូនពរឲ្យអ្នកទាំងគ្នាមានសុខភាពល្អ»៕

សូមទស្សនាវីដេអូខាងក្រោម៖