(ភ្នំពេញ)៖ ក្រុមហ៊ុន ហ្សិត ឌី ជី (ខេមបូឌា) ឯ.ក គឺជាក្រុមហ៊ុនដែលទទួលបាន ការអនុញ្ញាតឲ្យធ្វើជាអ្នកតំណាងស្របច្បាប់ និងជាអ្នកតំណាងចែកចាយ នៅក្នុងព្រះរាជាណាចក្រកម្ពុជា លើផលិតផលរថយន្តម៉ាក AITO ដែលមានម៉ូដែល ដូចតទៅ៖ AITO M5, ΑΙΤΟ Μ7, ΑΙΤΟ Μ8, ΑΙΤΟ M9, AITO 5, ΑΙΤΟ 7, AITO 8 និង AITO 9 ពីក្រុមហ៊ុន SERES AUTO CO.,LTD ដែលសិទ្ធិផ្តាច់មុខនេះ ត្រូវបានទទួលស្គាល់តាមរយៈលិខិតលេខ ០២៣៩ ព.ណ កសប ចុះថ្ងៃទី២៤ ខែមករា ឆ្នាំ២០២៤ របស់ក្រសួងពាណិជ្ជកម្ម។

នាពេលថ្មីៗនេះ ក្រុមហ៊ុនបានពិនិត្យឃើញថា មានបុគ្គលទុច្ចរិតមួយចំនួន បានលួចធ្វើការនាំចូលរថយន្តម៉ាក AITO មកលក់ក្នុងទីផ្សារ ដោយធ្វើការផ្លាស់ប្តូរគ្រឿងបន្លាស់ និងឯកសារមួយចំនួន ក្នុងគោលបំណងបន្លំប្រភពដើម។

ដោយផ្អែកលើស្ថានភាពនេះ ក្រុមហ៊ុនបានដាក់ពាក្យបណ្ដឹង ទៅកាន់ស្នងការនគរបាលរាជធានីភ្នំពេញ តាមរយៈពាក្យបណ្តឹង ចុះថ្ងៃទី០៨ ខែធ្នូ ឆ្នាំ២០២៥ ហើយសមត្ថកិច្ចបានធ្វើការ ឃាត់ទុករថយន្តដែលបាននាំចូល ដោយបំពានសិទ្ធិផ្តាច់មុខនេះ ដើម្បីចាត់ការតាមនីតិវិធីច្បាប់។

ក្រុមហ៊ុនសូមជម្រាបជូនសាធារណជនមេត្តាជ្រាបថា ក្រុមហ៊ុននឹងធ្វើការអនុវត្តសិទ្ធិតាមច្បាប់ កំណត់ទាក់ទងនឹងបុគ្គល ដែលបំពានទៅលើសិទ្ធិផ្តាច់មុខនេះ និងសូមសំណូមពរ សាធារណជនមេត្តាពិនិត្យ អំពីភាពស្របច្បាប់របស់អ្នកលក់ ក្នុងលក់រថយន្តម៉ាក AITO មុននឹងសម្រេចចិត្តធ្វើការទិញ៕