(បាត់ដំបង)៖ លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង នៅថ្ងៃទី១៩ ខែមករា ឆ្នាំ២០២៦ បានដឹកនាំផ្សព្វផ្សាយអនុក្រឹត្យរាជរដ្ឋាភិបាល បទបញ្ជា និងសេចក្តីណែនាំផ្សេងៗ។ ពិធីផ្សព្វផ្សាយបានធ្វើឡើងនៅបញ្ជាការដ្ឋានកងរាជអាវុធហត្ថខេត្តបាត់ដំបង។

ពិធីនេះដោយមានការចូលរួមពីមេបញ្ជាការរង ប្រធាន អនុប្រធានមន្ទីរទាំង០៧ នាយ នាយរងការិយាល័យ សមាជិកទាំងអស់ នាយការិយាល័យអធិការកិច្ច នាយការិយាល័យហិរញ្ញវត្ថុនិងសាមាជិកទាំងអស់ ប្រធានមន្ទីរអង្គភាពសន្តិសុខ និងអង្គភាពនគរបាលយុតិធម៌ សមាជិកទាំងអស់ មេបញ្ជាការកងអនុសេនាធំ កងរាជអាវុធហត្ថចល័យ និងសមាជិកទាំងអស់ នាយទាហានគ្រប់គ្រង និងសិក្ខាកាមវគ្គ៤៧ ទាំងអស់ ព្រមមេបញ្ជាការមូលដ្ឋានក្រុង​ ស្រុកទាំង១៤ ចូលរួម ចំនួន ១៣៦នាក់៕