(ភ្នំពេញ)៖ ជនជាតិចិនជាច្រើននាក់ដែលដេក​ និងឈរពពាក់ពពូននៅមុខស្ថានទូតចិន រង់ចាំកិច្ចអន្តរាគមន៍ពីមន្រ្តីទូតនោះ ត្រូវបានសមត្ថកិច្ចដឹកយកទៅស្នាក់នៅបណ្តោះអាសន្ន ឯព្រលានយន្តហោះចាស់ ដើម្បីរក្សាសណ្តាប់ធ្នាប់ឱ្យបានល្អ។

សម្រាប់ជនជាតិចិនដែលមិនមានឯកសារ ត្រូវហៅឱ្យឡើងឡានក្រុងមានជិត ១០ឡាន ដឹកយកទៅមុន ហើយអ្នកដែលមានឯកសារបន្តអនុញ្ញាតឱ្យដាក់នៅស្ថានទូតសិន រួចហើយចាំដឹកទៅតាមក្រោយ។

សម្រាប់ជនជាតិចិន ដែលត្រូវដឹកចេញពីមុខស្ថានទូតចិន និងមុខហាងឡៅទីហ្វាំង នៅរសៀលថ្ងៃទី២៤ ខែមករា ឆ្នាំ២០២៦នេះ មានចំនួនច្រើនអាចជាង ៣០០នាក់៕