(កំពង់ស្ពឺ)៖ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាថ្ងៃទី២២ ខែមករា ឆ្មាំ២០២៦ បានអញ្ជើញជាអធិបតីដឹកនាំកិច្ចប្រជុំការងារជំនាញមន្ទីស្រាវជ្រាវនិងបង្ក្រាបបទល្មើស និងមន្ទីរ ព័ត៌មានស្រាវជ្រាវ សន្តិសុខ មន្ទីរ ទំនាក់ទំនងកិច្ចការសាធារណៈដើម្បីឲ្យកាន់តែមានប្រសិទ្ធិភាពខ្ពស់បន្ថែមទៀតក្នុងការបង្ការ បង្ក្រាប ទប់ស្កាត់ និងបទល្មើសនានា។

ក្នុងកិច្ចប្រជុំនេះដែរ មានការចូលរួមពីសំណាក់ លោកប្រធាន-អនុប្រធានមន្ទីរ,លោកនាយ-នាយរងការិយាល័យ ជំនួយការ និងសមាជិកទាំងអស់នៅមន្ទីរ។

ថ្លែងនាពេលនោះផងដែរ លោកឧត្តមសេនីយ៍ត្រី ម៉េង ស្រ៊ុន ក៏បានកែតម្រូវនូវចំនុចខ្វះខាតមួយចំនួន ជាពិសេសក៏បានលើកសរសើរនូវលទ្ធផលការងារដែលបានអនុវត្តកន្លងមកនេះ ទោះជាមានចំនុចខ្វះខាតខ្លះក៏ពិតមែន តែកម្លាំងជំនាញកងរាជអាវុធហត្ថនៅតែបន្តខិតខំប្រឹងប្រែងអាចធ្វើបានក្នុងការបំពេញតួនាទីភារកិច្ចជូនប្រជាពលរដ្ឋ និងបានរំលឹកដល់កម្លាំងទាំងអស់ចុះបំពេញការងារត្រូវប្រុងប្រយ័ត្នផងដែរ។

លោកឧត្តមសេនីយ៍ ក៏បានលើកឡើងពាក់ព័ន្ធ និងការបង្ការ បង្ក្រាប ទប់ស្កាត់រាល់បទល្មើស និងឧប្បទេវហេតុផ្សេងៗសូមឲ្យប្រធានមន្ទីរត្រូវពិនិត្យជាប្រចាំ ត្រូវយកចិត្តទុកដាក់ឲ្យបានខ្ពស់លើការងារនេះ និងត្រូវបំពាក់នូវសម្ភារៈបច្ចេកទេសការពារខ្លួនពេលចុះបំពេញការងារ ដើម្បីឲ្យការងារកាន់តែមានប្រសិទ្ធភាពខ្ពស់បន្ថែមទៀត បើទោះបីជាមន្ទីរស្រាវជ្រាវនិងបង្ក្រាបបទល្មើស មានការរវល់ខ្លាំងយ៉ាងណាក៏ដោយ ត្រូវតែបន្តទៅមុខទៀតដើម្បីភាពកក់ក្ដៅជូនប្រជាពលរដ្ឋក្នុងខេត្តកំពង់ស្ពឺ៕