(កំពង់ឆ្នាំង)៖ សហគមន៍កសិកម្មទំនើបប្រស្នឹបពន្លឺថ្មី បានរៀបចំមហាសន្និបាតកំណើតដំបូង នៅថ្ងៃទី៣ ខែកុម្ភៈ ឆ្នាំ២០២៦ ក្រោមអធិបតីភាព លោក ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ នៅទីតាំងដីសម្បទានសង្គមកិច្ច និងការអភិវឌ្ឍន៍សេដ្ឋកិច្ច ដំណាក់កាលទី៣ (LASED III) ស្ថិតនៅឃុំប្រស្នឹប ស្រុករលាប្អៀរ ខេត្តកំពង់ឆ្នាំង។

សូមជម្រាបជូនថា សហគមន៍កសិកម្មទំនើបប្រស្នឹបពន្លឺថ្មី មានសមាជិកចំនួន ៥០គ្រួសារ ផ្តោតសំខាន់លើផលិតកម្មបន្លែសុវត្ថិភាពក្នុងផ្ទះសំណាញ់ចំនួន ១០០ខ្នង ដែលមានការគាំទ្រជ្រោមជ្រែងពីក្រសួងកសិកម្មនូវផ្នែកទីផ្សារ បច្ចេកទេស ជាពិសេសការគាំទ្រទុនវិនិយោគប្រមាណ ៥០ម៉ឺនដុល្លារ (៤០%ជាជំនួយឥតសំណង ៦០%ជាកម្ចីឥណទានការប្រាក់ទាប ពីគម្រោងពិពិធកម្មកសិកម្មកម្ពុជា)៕