(ពោធិ៍សាត់)៖ នាយឧត្តមសេនីយ៍ ស ថេត អគ្គស្នងការនគរបាលជាតិ នៅថ្ងៃទី៩ ខែកុម្ភៈ ឆ្នាំ២០២៦នេះ បានចាត់លោកឧត្តមសេនីយ៍ឯក លៀង ភារម្យ ប្រធាននាយកដ្ឋានកណ្តាលនគរបាលព្រំដែន ជាតំណាងនាំយកអំណោយជាគ្រឿងឧបភោគ បរិភោគ​ដែលជាអំណោយ​របស់នាយឧត្តមសេនីយ៍​ ស​ ថេត​ អគ្គស្នងការនគរបាលជាតិ​ ឧបត្ថម្ភជូនកងកម្លាំងកំពុងឈរជេីងការពារបូរណភាពទឹកដី នៅតំបន់ព្រំដែនថ្មដា​ ខេត្តពោធិ៍សាត់​។

អំណោយ​ដ៏ថ្លៃថ្លារបស់នាយឧត្តមសេនីយ៍​ ស​ ថេត​ អគ្គស្នងការនគរបាលជាតិ​ ឧបត្ថម្ភជូនកងកម្លាំងរួមមាន៖

*ទី១៖ វរសេនាតូចនគរបាលការពារព្រំដែនគោក​ លេខ៨២៥៖ អង្ករ​ ១០តោន, មី​ជាតិ​ ១២០កេសតូច និងត្រីខ​ ២០កេស

*ទី២៖ យោធា​ឈរជេីងនៅព្រំដែនថ្មដា៖ អង្ករ​ ១០តោន, មីជាតិ​ ៦០កេសតូច និងត្រីខ​ ១០កេស៕