(ភ្នំពេញ)៖ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ នាព្រឹកថ្ងៃទី១០ ខែកុម្ភៈ ឆ្នាំ២០២៦ បានអញ្ជើញដឹកនាំក្រុមការងារកងរាជអាវុធហត្ថ​ខេត្ត​កំពង់ស្ពឺ​​​​ និងមានការចូលរួមពីក្រុមការងារសហភាពសហព័ន្ធយុវជនខេត្ត​កំពង់ស្ពឺ​ រួមទាំងក្រុមការងារអ្នកស្ម័គ្រចិត្កកាកបាទក្រហមកម្ពុជា​​ អញ្ជើញ​ចុះសួរសុខទុក្ខ លោកឧត្តមសេនីយ៍ទោ ម៉ក់ សាវុទ្ធី អតីតមេបញ្ជាការរង រាជធានីភ្នំពេញ ដែលកំពុងសម្រាកព្យាបាលជំងឺនៅមន្ទីរពេទ្យកេតុមាលា (១៧៩) រាជធានីភ្នំពេញ។

នាឱកាសនោះដែរ លោកឧត្តមសេនីយ៍ត្រី ម៉េ​ង​​ ​ស្រ៊ុន​​​ និងក្រុមការងារ បាន​សំណេះសំណាល​ ​ព្រមទាំងជូនពរឱ្យឧត្តមសេនីយ៍ទោ ម៉ក់ សាវុទ្ធី ឆាប់បានជាសះស្បើយ និងមានសុខភាពល្អប្រសើរឡើងវិញ ជាពិសេសក៏បានពាំនាំនូវការផ្តាំផ្តើរសួរសុខទុក្ខពីសំណាក់នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ព្រមទាំងមានការណែនាំដោយផ្ទាល់ពីសំណាក់លោកបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ ចំពោះលោកឧត្តមសេនីយ៍ទោ ម៉ក់ សាវុទ្ធី ផងដែរ។

លោកឧត្តមសេនីយ៍ត្រី ម៉េ​ង​​ ​ស្រ៊ុន​​​ ក៏បានឧបត្ថម្តនូវថវិការ​ចំនួន​ជាថវិការចំនួន​ ៥០០,០០០រៀល រួមទាំងសម្ភារៈគ្រឿងឧបភោគបរិភោគមួយចំនួទៀតមានដូចជា៖មី៤កេស, ទឹកសុទ្ធ ៤កេស, ទឹកផ្លែឈើ ២កេស និងភេសជ្ជៈ ២កេសថែមទៀតផង៕