(ស្វាយរៀង)៖ កម្លាំងប៉ុស្តិ៍នគរបាលរដ្ឋបាលឃុំកណ្តៀងរាយ បានសហការជាមួយកម្លាំងជំនាញរបស់អធិការដ្ឋាននគរបាលស្រុកស្វាយទាប នារសៀលថ្ងៃទី២១ ខែកុម្ភៈ ឆ្នាំ២០២៦ បានបង្រ្កាបក្មេងទំនើងបង្ហោះម៉ូតូចំនួន៥នាក់ និងម៉ូតូចំនួន២គ្រឿង យកមកអធិការដ្ឋានស្រុក ដើម្បីអប់រំ និងធ្វើកិច្ចសន្យាបញ្ឈប់សកម្មភាពទាំងនេះទៀត។

របាយការណ៍របស់នគរបាលស្រុកស្វាយទាប បានឲ្យដឹងថា ក្មេងទំនើងបង្ហោះម៉ូតូ៥នាក់ រួមមាន៖

*ទី១៖ ឈ្មោះ អ៊ុំ រស្មីលាភ អាយុ១៦ឆ្នាំ មុខរបរកសិកររស់នៅភូមិលៀប ឃុំកណ្តៀងរាយ ស្រុកស្វាយទាប
*ទី២៖ ឈ្មោះ សំអាត សុរ៉ាឆាត អាយុ១៧ឆ្នាំ មុខរបរសន្តិសុខយាមម៉ូតូរស់នៅភូមិបន្ទាយ ឃុំកណ្តៀងរាយ ស្រុកស្វាយទាប
*ទី៣៖ ឈ្មោះ អាត ចំរើន ភេទប្រុស មុខរបរសិស្ស អាយុ១៧ឆ្នាំ រស់នៅភូមិបន្ទាយ កណ្តៀងរាយ ស្រុកស្វាយទាប
*ទី៤៖ ឈ្មោះ ស៊ាន បូរ៉ានិស្ស័យ អាយុ១៤ឆ្នាំ មុខរបរសិស្ស រស់នៅភូមិដើមពោធិ៍ ឃុំកណ្តៀងរាយ ស្រុកស្វាយទាប ខេត្តស្វាយរៀង
*ទី៥៖ ឈ្មោះ យ៉ន រ៉ាយុទ្ធ អាយុ១៣ឆ្នាំ មុខរបរកសិករ រស់នៅភូមិលៀប ឃុំកណ្តៀងរាយ ស្រុកស្វាយទាប ខេត្តស្វាយរៀង។

ក្រោយអប់រំ និងធ្វើកិច្ចសន្យារួចមក ព្រមទំាំងមានលិខិតធានារបស់ឪពុកម្តាយ, នគរបាលស្រុកស្វាយទាប ក្រោមការណែនាំរបស់លោកឧត្តមសេនីយ៍ទោ ពេជ វីរៈ ស្នងការនគរបាលខេត្តស្វាយរៀង ក៏បានប្រគល់យុវជនទាំង៥នាក់ ទៅឲ្យឪពុកម្តាយ យកទៅអប់រំបន្ត រីឯម៉ូតូចំនួន២គ្រឿង ត្រូវរក្សាទុកចំនួន៣ខែសិន នៅអធិការដ្ឋាននគរបាលស្រុកស្វាយទាប៕