អាជ្ញាធរ និងប្រជាពលរដ្ឋនៅក្រុងព្រះសីហនុ រួមគ្នាសំអាតឆ្នេរសមុទ្រ ក្រោយសំរាមជាច្រើនបានអណ្តែតដោយសារភ្លៀង និងខ្យល់កន្ទ្រាក់
05-03-2026 21:53
(ព្រះសីហនុ)៖ ក្រោយការយកចិត្តខ្ពស់ពីសំណាក់ លោក ម៉ាង ស៊ីណេត អភិបាលខេត្តព្រះសីហនុ សំរាមជាច្រេីនដែលបានរសាត់អណ្តែតមកលេីឆ្នេរ ដោយសារភ្លៀង និងខ្យល់កន្ទ្រាក់ ត្រូវបានអាជ្ញាធរ មន្ទីរពាក់ពាក់ព័ន្ធ និងក្រុមការងារសម្អាត ចូលរួមជាមួយប្រជាពលរដ្ឋ ធ្វើការសម្អាតបរិស្ថាន ឆ្នេរសមុទ្របានត្រឡប់មកមានភាពស្អាត និងឲ្យមានរបៀបរៀបរយឡើងវិញហេីយ។
បើយោងតាមមន្ត្រីមូលដ្ឋានប្រាប់បណ្តាញព័ត៌មាន Fresh News ប្រចាំខេត្តនៅរសៀលថ្ងៃទី៥ ខែមីនា ឆ្នាំ២០២៦នេះ បានឱ្យដឹងថា ការចូលរួមនេះបានបង្ហាញពីការយកចិត្តទុកដាក់ក្នុងការការពារ និងថែរក្សាធនធានធម្មជាតិរបស់យើង ដើម្បីឲ្យឆ្នេរសមុទ្របន្តជាទីកន្លែងទាក់ទាញសម្រាប់ភ្ញៀវទេសចរ និងសហគមន៍។
គូសបញ្ជាក់ថា សំរាមដែលរសាត់អណ្តែតមកលើឆ្នេរទាំងនោះបានកើតឡើងកាលពីថ្ងៃទី១ ខែមីនា ឆ្នាំ២០២៦ ដោយសារមានភ្លៀងធ្លាក់មួយមេធំ និងលាយឡំជាមួយខ្យល់ខ្លាំងទើបធ្វើឲ្យមានសំរាមបែបនេះ៕
