(ភ្នំពេញ)៖ ក្រសួងទេសចរណ៍ នៅថ្ងៃទី១២ ខែមីនា ឆ្នាំ២០២៦នេះ បានចេញសេចក្ដីជូនដំណឹងស្ដីពី ការជ្រើសរើសមគ្គុទ្ទេសក៍ទេសចរណ៍ថ្នាក់តំបន់ ចូលរៀនវគ្គបណ្តុះបណ្តាលមគ្គុទ្ទេសក៍ទេសចរណ៍ថ្នាក់ជាតិ ដើម្បីចូលរួមចំណែកលើកកម្ពស់ការអភិវឌ្ឍធនធានមនុស្សក្នុងវិស័យទេសចរណ៍ និងបង្កើនកម្រិតគុណវុឌ្ឍិអ្នកជំនាញបម្រើការងារនៅក្នុងសេវាកម្មទេសចរណ៍។

ក្នុងន័យនេះ ក្រសួងទេសចរណ៍ នឹងរៀបចំបើកវគ្គបណ្តុះបណ្តាលមគ្គុទ្ទេសក៍ទេសចរណ៍ថ្នាក់ជាតិ ជំនាន់ទី៧ នៅសាកលវិទ្យាល័យធនធានមនុស្ស រាជធានីភ្នំពេញ។ ក្រសួងទេសចរណ៍ លើកទឹកចិត្តដល់ បេក្ខជន បេក្ខនារី ដែលមានបទពិសោធការងារជាមគ្គុទ្ទេសក៍ទេសចរណ៍ថ្នាក់តំបន់ ចូលរួមដាក់ពាក្យប្រឡងចូលរៀនឱ្យបានកាន់តែច្រើន។

ចំពោះ បេក្ខជន បេក្ខនារី ដែលប្រឡងជាប់ស្ថាពរ នឹងត្រូវចូលរៀនវគ្គបណ្តុះបណ្តាល រយៈពេល ៧ខែ (សិក្សាថ្ងៃសៅរ៍-អាទិត្យ) ដោយក្នុងនោះ ការសិក្សាទ្រឹស្តី រយៈពេល ៥ខែ និងចុះកម្មសិក្សាស្រាវជ្រាវនៅតាមតំបន់គោលដៅទេសចរណ៍ រយៈពេល ២ខែ។

ខាងក្រោមនេះ ជាខ្លឹមសារនៃសេចក្ដីជូនដំណឹងទាំងស្រុងរបស់ក្រសួងទេសចរណ៍៖