* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* តុលាការយុត្តិធម៌អន្តរជាតិ រកឃើញថាកងកម្លាំងមីយ៉ាន់ម៉ាសម្លាប់ជនជាតិរ៉ូហ៊ីងយ៉ារាប់ពាន់នាក់
* វិភាគអន្តរជាតិ៖ ដាក់ពង្រាយយន្ដហោះយោធាហោះឆ្វែលអាស៊ី អ្វីទៅជាសារដែលរុស្ស៉ីចង់បញ្ជូន?
* មេសិទ្ធិមនុស្សកម្ពុជា បន្តលាតត្រដាងទង្វើរំលោភសិទ្ធិមនុស្ស របស់យោធាថៃ មកលើពលរដ្ឋស្លូតត្រង់កម្ពុជា ប្រាប់អង្គការពិភពលោកប្រឆាំងទារុណកម្ម
* លោក ស៊ី ជីនពីង អំពាវនាវឱ្យចិន រុស្ស៊ី និងអាមេរិក គួរធ្វើជាគំរូនៃកិច្ចសហប្រតិបត្តិការ ដើម្បីឆ្លើយតបបញ្ហាប្រឈមសកល ហើយរួមគ្នាថែរក្សាសន្តិភាព និងស្ថិរភាពពិភពលោក
* លោក ត្រាំ ប្រាប់លោក ស៉ី និងលោក ពូទីន៖ «ក្នុងនាមជាកំពូលមហាអំណាចទាំង៣ យើងមានទំនួលខុសត្រូវពិសេស មិនមែនសម្រាប់ត្រឹមប្រជាជនយើងទេ ប៉ុន្តែសម្រាប់ពិភពលោកទាំងមូល»
* រដ្ឋមន្ត្រី នេត្រ ភក្ត្រា៖ ក្រសួងព័ត៌មាននឹងមិនអនុញ្ញាតឱ្យជនទុច្ចរិត ប្រើអាជ្ញាបណ្ណសារព័ត៌មានដើរបង្កចលាចលសង្គមឡើយ
* លោក ពូទីន៖ មហាអំណាចរុស្ស៉ី-ចិន-អាមេរិក មានការទទួលខុសត្រូវរួម ក្នុងការថែរក្សាសន្តិភាពនិងសន្តិសុខអន្តរជាតិ
* ប្រធានាធិបតីសាធារណរដ្ឋកូរ៉េ ថ្លែងអំណរគុណសម្តេចតេជោ ហ៊ុន សែន ចំពោះសារអបអរសាទររបស់សម្តេច ក្នុងឱកាសលើកទី៤៣៥៨ ទិវាបង្កើតជាតិនៃសាធារណរដ្ឋកូរ៉េ
* អ៉ីរ៉ាក់សម្រេចប្រកាសបិទការប្រើប្រាស់ Telegram ជាលើកទី២នៅក្នុងឆ្នាំនេះ
* កម្ពុជា-ថៃ នឹងជួបប្រជុំលើកទី៣ ក្រោមយន្តការផ្សះផ្សា UNCLOS នៅម៉ាឡេស៊ី ពីថ្ងៃទី២៤-២៦ ខែវិច្ឆិកា ដើម្បីពិភាក្សាបច្ចេកទេសកំណត់ព្រំដែនសមុទ្រ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា អង្គការអន្តរជាតិហ្វ្រង់កូហ្វូនី បានបង្ហាញការព្រួយបារម្ភចំពោះស្ថានការណ៍ព្រំដែនកម្ពុជា និងថៃ ជាពិសេសគាំទ្រជំហកម្ពុជា ក្នុងការដោះស្រាយបញ្ហាដោយសន្តិវិធី និងផ្អែកលើច្បាប់អន្តរជាតិ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្រុមហ៊ុនជប៉ុន បានសម្រេចបោះទុនវិនិយោគផលិតគ្រាប់ខ្ចៅផ្តាច់មុខ ដើម្បីចែកចាយទៅប្រទេសផ្សេងៗនៅក្នុងតំបន់
* សម្តេចមហាបវរធិបតី ហ៊ុន ម៉ាណែទ មានប្រសាសន៍ថា កម្ពុជា បានចរចាពន្ធជាមួយអាមេរិកតាំងពីមួយឆ្នាំមុន។ សម្តេចបញ្ជាក់តបទៅនឹងចម្ងល់ពលរដ្ឋមួយចំនួន ពេលឃើញអាមេរិក និងថៃ ចុះកិច្ចព្រមព្រៀងលើបញ្ហាពន្ធនៅប្រទេសហ្វីលីពីន។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងពិធីជប់លៀងជាងមួយម៉ោងរវាងមេដឹកនាំអាស៊ាន និងលោក ដូណាល់ ត្រាំ ប្រធានាធិបតីអាមេរិក នៅប្រទេសហ្វីលីពីន សម្តេចបានអរគុណលោក ដូណាល់ ត្រាំ សម្រាប់ការជួយឱ្យមានសេចក្តីថ្លែងការណ៍រួមនៅកូឡាឡាំពួរ។ សម្តេចបន្តថា លោក ត្រាំ ប្រកាសបន្តជួយឱ្យមានការអនុវត្តពេញលេញលើសេចក្តីថ្លែងការណ៍រួមនោះ។
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

TP Moral Group គាំទ្រដល់ការអនុវត្តគម្រោង Build4People ដើម្បីរួមចំណែកលើកកម្ពស់គុណភាពរស់នៅរបស់ប្រជាជននៅទីក្រុង និងការអភិវឌ្ឍន៍រាជធានីភ្នំពេញ (Video inside)

13-03-2026 20:32

(ភ្នំពេញ)៖ ក្រុមហ៊ុន ធីភី ម៉ូរ៉ាល់ គ្រុប (TP Moral Group) ដែលជាក្រុមហ៊ុនអភិវឌ្ឍន៍ទីក្រុងរណប មេគង្គ ឃី (Mekong Quay City) នាតំបន់អរិយក្សត្រ បានផ្តល់ការគាំទ្រ ដល់ការអនុវត្តគម្រោង«លំនៅដ្ឋានដែលមានចីរភាពសម្រាប់ប្រជាជន និងបង្កើនគុណភាពរស់នៅនៃប្រជាជនទីក្រុង (Build4People Project)» ដើម្បីរួមចំណែកលើកកម្ពស់គុណភាពរស់នៅរបស់ប្រជាជននៅទីក្រុងភ្នំពេញ។

ចាប់តាំងពីឆ្នាំ ២០២០ រដ្ឋបាលរាជធានីភ្នំពេញបានរួមសហការជាមួយមហាវិទ្យាល័យហេមបឺក នៃប្រទេសអាល្លឺម៉ង់ដើម្បីអនុវត្រគម្រោង «លំនៅដ្ឋានដែលមានចីរភាពសម្រាប់ប្រជាជន - បង្កើនគុណភាពរស់នៅនៃប្រជាជនទីក្រុង (Build4People Project)»។

ក្នុងសន្និសីទគម្រោង «លំនៅដ្ឋានដែលមានចីរភាពសម្រាប់ប្រជាជន - បង្កើនគុណភាពរស់នៅនៃប្រជាជនទីក្រុង នាថ្ងៃទី១៣ ខែមីនា ឆ្នាំ ២០២៦ លោក ឃុន សេងផេង អគ្គនាយកប្រតិបត្តិក្រុមហ៊ុន TP Moral Group បានថ្លែងថា តាមរយៈភាពជាដៃគូជាមួយ Build4People TP Moral Group ប្តេជ្ញាចិត្តក្នុងការរួមបញ្ចូលនិរន្តរភាព ភាពអាចរស់នៅបាន ការទទួលខុសត្រូវផ្នែកបរិស្ថាន និងកន្លែងសាធារណៈដែលមានគុណភាពទៅក្នុងការអភិវឌ្ឍដែលក្រុមហ៊ុនបានបង្កើតឡើង។ គោលការណ៍ទាំងនេះមានសារៈសំខាន់ណាស់ក្នុងការបង្កើតបរិស្ថានទីក្រុង ដែលអាចបម្រើដល់មនុស្សជំនាន់បច្ចុប្បន្ន និងអនាគត។

ទន្ទឹមគ្នានេះ លោកថ្លែងអំណរគុណដល់សាលារាជធានី និងស្ថានទូតអាល្លឺម៉ង់ ចំពោះការគាំទ្រគំនិតផ្តួចផ្តើម បង្កើតគម្រោង Build4People ដែលលើកទឹកចិត្តដល់កិច្ចសហការអន្តរជាតិ និងការផ្លាស់ប្តូរចំណេះដឹង។ លោកបន្ថែមថា «ក្រុមហ៊ុន TP Moral Group នឹងបន្តការចូលរួមជាមួយ Build4People និងស្វាគមន៍ចំពោះកិច្ចសហការជាមួយដៃគូដែលមានចក្ខុវិស័យក្នុងការកសាងទីក្រុងដែលមាននិរន្តរភាព ភាពធន់ និងផ្តោតលើប្រជាជន»។

លោកបន្ថែមថា តាមរយៈការស្រាវជ្រាវ និងរៀបចំផែនការ របស់ក្រុមនិស្សិតចម្រុះ អំពីការរៀបចំទីក្រុង បាននាំមកនូវទស្សនៈដ៏មានតម្លៃដល់ការអភិវឌ្ឍ មេគង្គ ឃី (Mekong Quay City) ។ ការវិភាគ គំនិត និងអនុសាសន៍ទាំងនេះបានផ្តល់នូវការយល់ដឹងដ៏មានអត្ថន័យអំពីរបៀបនៃការអភិវឌ្ឍទីក្រុងទ្រង់ទ្រាយធំ ដែលឆ្លើយតបបានកាន់តែប្រសើរឡើងចំពោះបញ្ហាប្រឈមផ្នែកបរិស្ថាន សង្គម និងទីក្រុង។

ក្នុងឱកាសនោះដែរ លោក សេង វណ្ណៈ អភិបាលរង នៃគណៈអភិបាលរាជធានីភ្នំពេញ បានថ្លែងថា គោលបំណងសំខាន់នៃការអនុវត្តគម្រោង Build4People គឺផ្តោតទៅគុណភាពលំនៅដ្ឋានរបស់ប្រជាជន លើកកម្ពស់គុណភាពរស់នៅរបស់ប្រជាជន ដោយគម្រោងនេះនឹងជំរុញការអភិវឌ្ឍន៍នៅក្នុងរាជធានីភ្នំពេញ និងការរស់នៅរបស់ប្រជាជន ដោយភាពសុខដុមរមនា។

លោកបានគូសបញ្ជាក់ថា ក្នុងដំណាក់កាលទី១ ការអនុវត្តគម្រោងនេះ ទទួលបានផលគួរជាទីគាប់ចិត្ត។ ហើយដើម្បីបន្តនិរន្តភាពនៃគម្រោង រដ្ឋបាលរាជធានីភ្នំពេញ នឹងបន្តអនុវត្តដំណាក់កាលទី២ ដោយទទួលបានការគាំទ្រពីក្រសួងស្រាវជ្រាវ បច្ចេកវិទ្យា និងអវកាស នៃសាធារណរដ្ឋសហព័ន្ធអាល្លឺម៉ង់ ដែលបានផ្តល់ជាជំនួយបច្ចេកទេសក្នុងទំហំទឹកប្រាក់ប្រមាណ១លានអឺរ៉ូ សម្រាប់ការអនុវត្តរយៈពេល២ឆ្នាំ ដើម្បីកសាងសមត្ថភាពអជ្ញាធរមូលដ្ឋានលើវិស័យរៀបចំក្រុង និងទីក្រុងឆ្លាតវៃតាមប្រព័ន្ធឌីជីថល ព្រមទាំងរៀបចំការសិក្សាសម្រាប់អភិវឌ្ឍរាជធានីភ្នំពេញប្រកបដោយចរីភាព និងនិរន្តភាព។

ជាបន្ត គម្រោងនេះ នឹងអនុវត្តសកម្មភាពនានា ដូចជា រៀបចំឧបករណ៍ និងកម្មវិធីវាយតម្លៃសម្រាប់គ្រប់គ្រងរៀបចំក្រុងតាមប្រព័ន្ធឌីជីថលជាមួយ CityLab Berlin និងមហាវិទ្យាល័យ ត្រេស្តេន, ផ្តល់ជំនួយបច្ចេកទេសផ្នែកអភិវឌ្ឍរៀបចំទីក្រុង និងទីក្រុងឆ្លាតវៃ ព្រមទាំងកសាង សមត្ថិភាពមន្ត្រីរដ្ឋបាលរាជធានីភ្នំពេញ ជាពិសេសដល់មជ្ឍមណ្ឌលទីក្រុងឆ្លាតវៃ នៃរាជធានីភ្នំពេញ (Phnom Penh Smart City Hub), រៀបចំសិក្ខាសាលាជាមួយភាគីពាក់ព័ន្ធ និងទស្សនកិច្ចសិក្សា ដើម្បីផ្លាស់ប្តូរបទពិសោធន៍ ព្រមទាំងផលិតផែនទីរៀបចំក្រុងសម្រាប់រាជធានីភ្នំពេញ នៅតំបន់ដែលមិនទាន់មានប្លង់លម្អិត។

សូមជម្រាបថា កាលពីចុងឆ្នាំ២០២៤ ក្រុមហ៊ុន TP Moral Group (TPMG) និងក្រុមហ៊ុន Khun Sea Import & Export Group បានសម្ពោធបើកការដ្ឋានសាងសង់គម្រោងអភិវឌ្ឍន៍ទីក្រុងទំនើបមេគង្គឃី នៅលើទឹកដីក្រុងអរិយក្សត្រ ជាប់ដងទន្លេមេគង្គត្រើយខាងកើត ក្រោមអធិបតីភាពសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅលើផ្ទៃដីជាង២០០ហិកតា។ ក្រុងរណបថ្មី និងទំនើបនេះ នឹងរួមចំណែកយ៉ាងសំខាន់ដែលធ្វើឱ្យក្រុងអរិយក្សត្រ ក្លាយជាទីក្រុងឆ្លាតវៃ នាពេលបច្ចុប្បន្ន និងអនាគត និងជាបណ្ដុំសកម្មភាពសេដ្ឋកិច្ច ពាណិជ្ជកម្ម និងការស្នាក់នៅយ៉ាងសម្បូរបែប៕