អគ្គនាយកនិយ័តករមូលបត្រ៖ ក្រុមហ៊ុនក្នុងស្រុកតូចៗ ក៏អាចចូលផ្សារមូលបត្របានដែរ មិនមែនសុទ្ធតែក្រុមហ៊ុនធំៗទេ តែទាមទារឱ្យមានរបាយការណ៍ហិរញ្ញវត្ថុច្បាស់លាស់ (Video inside)
20-03-2026 13:54
(ភ្នំពេញ)៖ លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃនិយ័តករមូលបត្រកម្ពុជា បានលើកឡើងថា មិនមែនសុទ្ធតែក្រុមហ៊ុនធំៗ ទើបអាចចូលផ្សារមូលបត្របានទេ ក្រុមហ៊ុនក្នុងស្រុកតូចៗ ក៏អាចចុះបញ្ជីបានដែរ ប៉ុន្តែទាមទារឱ្យមានរបាយការណ៍ហិរញ្ញវត្ថុច្បាស់លាស់ ដើម្បីធានាទំនុកចិត្តវិនិយោគិន។
ការលើកឡើងបែបនេះ ធ្វើឡើងក្នុងឱកាសដែល លោក ស៊ូ សុជាតិ អញ្ជើញចូលរួម ក្នុងកិច្ចពិភាក្សាលើប្រធានបទ៖ «សន្ទុះទីផ្សារក្នុងវិស័យមូលបត្រកម្ពុជា, តើវិស័យនេះផ្តល់ទំនុកចិត្តបែបណាចំពោះវិនិយោគិន?» ក្នុងកម្មវិធី FRESH BUSINESS។
លោក ស៊ូ សុជាតិ បានបញ្ជាក់យ៉ាងដូច្នេះថា «ឲ្យតែមានរបាយការណ៍ហិរញ្ញវត្ថុច្បាស់លាស់ ព្រោះអ្នកវិនិយោគត្រូវការភាពច្បាស់លាស់ លើការចាយលុយ និងត្រូវការភាពច្បាស់លាស់ លើការគ្រប់គ្រងក្រុមហ៊ុន ហើយចង់ជម្រាបថា មិនមែនសុទ្ធតែក្រុមហ៊ុនធំៗ បានចូលក្នុងផ្សារមូលបត្របាននោះទេ»៕
សូមស្តាប់ការលើកឡើងរបស់លោក ស៊ូ សុជាតិ៖
