(កំពង់ស្ពឺ)៖ ដោយមានការណែនាំដោយផ្ទាល់ពីសំណាក់លោកបណ្ឌិត ជាម ច័ន្ទសោភ័ណ ដែលជាគណៈបញ្ជាការឯកភាព ខេត្ត កំពង់ស្ពឺ ក្រោមការដឹកបញ្ជាដោយផ្ទាល់យ៉ាងមុឺងម៉ាត់របស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ កម្លាំងកងរាជអាវុធហត្ថខេត្តកំពង់ស្ពឺ បានធ្វើការបង្រ្កាប និងឃាត់ខ្លួនបានក្រុមក្មេងទំនេីង ៣នាក់បន្ថែមទៀត ក្រោយធ្វេីសកកម្មភាពបង្ហោះម៉ូតូយ៉ាង អនាធិបតេយ្យ ក្នុងភូមិសាស្ត្រខេត្តកំពង់ស្ពឺ។

ការបង្ក្រាបនេះបានធ្វេីឡេីងកាលពីវេលាម៉ោងវេលាម៉ោង ៣:១០នាទីយប់ ថ្ងៃទី២៥ ខែមីនា ឆ្នាំ២០២៦ នៅចំណុចផ្លូវជាតិលេខ៤ ស្ថិតក្នុងភូមិព្រៃស្លឹក សង្កាត់ច្បាមន ក្រុងច្បាមន ខេត្តកំពង់ស្ពឺ។

ក្រុមក្មេងទំនើងទាំង​ ៣នាក់មានទី១៖ ឈ្មោះ ហង់ កុសល ភេទប្រុស អាយុ១៨ឆ្នាំ មុខរបរធ្វើការរោងចក្រ មានទីលំនៅបច្ចុប្បន្នរស់នៅភូមិព្រៃស្លឹក សង្កាត់ច្បាមន ក្រុងច្បាមន ខេត្តកំពង់ស្ពឺ ទី២៖ ឈ្មោះ ទ្រី ឆាណន់ ភេទប្រុស អាយុ ១៥ឆ្នាំ មុខរបរនៅផ្ទះ មានទីលំនៅបច្ចុប្បន្នរស់នៅភូមិ ព្រៃស្លឹក សង្កាត់ច្បាមន ក្រុងច្បាមន ខេត្តកំពង់ស្ពឺ និងទី៣៖ ឈ្មោះ ផល សុខគា ភេទប្រុស អាយុ ១៥ឆ្នាំ មុខរបរនៅផ្ទះ មានទីលំនៅបច្ចុប្បន្នរស់នៅភូមិព្រៃស្លឹក សង្កាត់ច្បាមន ក្រុងច្បាមន ខេត្តកំពង់ស្ពឺ។

ក្នុងប្រតិបត្តិការបង្ក្រាបនេះដកហូតវត្ថុតាងរួមមាន៖ ម៉ូតូចំនួន០១គ្រឿង ម៉ាក់អាសង់ ០២៥ ពណ៍ខ្មៅ ស្លាកលេខ ភ្នំពេញ 1LM 1592,ទូរស័ ព្ទចំនួន ០៣គ្រឿង( ម៉ាកiphone12 Promax,ម៉ាក់iphone X និងទូរស័ព្ទម៉ាសoppo)។

បច្ចុប្បន្នក្រុម ក្មេងទំនើងទាំង០៣នាក់ ត្រូវបានកម្លាំងកងរាជអាវុធហត្ថខេត្តកំពង់ស្ពឺ បានយកមកធ្វើការអប់រំ ធ្វើកិច្ចសន្យាបញ្ឈប់រាល់សកម្មភាពទំនើងដែលនាំឱ្យប៉ះពាល់ដល់ការសិក្សា បំផ្លាញទ្រព្យសម្បត្តិក៏ដូចជា កិត្តិយសគ្រួសារ ព្រមទាំងបង្ករការភ័យខ្លាចដល់អ្នកជុំវិញ បង្កភាពអនាធិបតេយ្យក្នុងសង្គម និងដកហូតម៉ូតូ ០៤គ្រឿង យកទៅរក្សាទុករយៈពេល ០៣ខែ នៅទីបញ្ជាការកងរាជអាវុធហត្ថខេត្តកំពង់ស្ពឺ តាមបទបញ្ជាដ៏ម៉ឺងម៉ាត់របស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលធ្លាប់មានប្រសាសន៍កន្លងមកពាក់ព័ន្ធនឹងក្មេងទំនើង ត្រូវអនុវត្តគ្រប់វិធានការឱ្យបានតឹងរឹងបំផុត ទាំងវិធានការរដ្ឋបាល និងវិធានការច្បាប់ ពិសេសក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សារទុករយៈពេល ៣ខែ ចំពោះការប្រព្រឹត្តលើកទី១ និង ៦ខែប្រសិនបើមិនរាងចាលនៅតែប្រព្រឹត្តលើកទីពីរបន្តទៀត៕