(ភ្នំពេញ)៖ វរសេនីយ៍ទោ ឆាយ ប៊ុនរម្យម៉ានិត នាយការិយាល័យប្រឆាំងបទល្មើសសង្គមបច្ចេកវិទ្យា បានបញ្ជាក់ឲ្យដឹងថា ការគ្រប់គ្រងគណនីបណ្តាញសង្គម របស់អ្នកប្រើប្រាស់​វ័យកណ្តាលហាក់នៅ​ខ្សោយ ដែលផ្តល់ភាពងាយស្រួលដល់ជនខិលខូចលួចគណនី។

ការបញ្ជាក់ឲ្យដឹងបែបនេះ ធ្វើឡើងក្នុងឱកាសដែលវរសេនីយ៍ទោ ឆាយ ប៊ុនរម្យម៉ានិត អញ្ជើញចូលរួមកិច្ចពិភាក្សាមួយ ក្រោមប្រធានបទ ស្តីពី «ហានិភ័យ និង​សុវត្ថិភាព​ផ្ទាល់ខ្លួន ចំពោះ​អ្នក​ប្រើប្រាស់​បណ្ដាញ​សង្គម​នៅ​កម្ពុជា» ក្នុងកម្មវិធី «ជជែកអំពីសន្តិសុខសាយប័រ»។

វរសេនីយ៍ទោ ឆាយ ប៊ុនរម្យម៉ានិត បានបញ្ជាក់យ៉ាងដូច្នេះថា «បងប្អូនមួយចំនួន ដែលគាត់មានវ័យកណ្ដាល គឺការប្រើប្រាស់បណ្ដាញសង្គម ជារឿងថ្មីរបស់គាត់ ដូច្នេះការគ្រប់គ្រងគណនីរបស់គាត់ ពុំទាន់មានសុវត្ថិភាពពេញលេញនោះទេ»៕

សូមស្តាប់ការលើកឡើងទាំងស្រុង របស់វរសេនីយ៍ទោ ឆាយ ប៊ុនរម្យម៉ានិត៖