(ភ្នំពេញ)៖ សូមចូលរួមបរិច្ចាគជួយដល់មន្ទីរពេទ្យកុមារអង្គរ តាមរយៈបេសកកម្ម «ដើរដើម្បីកុមារអង្គរ» ភ្នំពេញ-សៀមរាប មានរយៈពេល ១៤ថ្ងៃ ក្នុងចម្ងាយ ៣២១គីឡូម៉ែត្រ ខណៈលោក ណាយរ៉ាយណាយ បានចាប់ផ្តើមចេញដើរថ្ងៃទី១ហើយ។

«ដើរដើម្បីកុមារអង្គរ» ភ្នំពេញ-សៀមរាប ១៤ថ្ងៃ ចម្ងាយ ៣២១គីឡូម៉ែត្រ ដោយ ណាយរ៉ាយណាយ គឺស្វែងរកការបរិច្ចាគជួយដល់មន្ទីរពេទ្យកុមារអង្គរ ចាប់ពីថ្ងៃទី០១ ដល់ថ្ងៃទី១៤ ខែមេសា ឆ្នាំ២០២៦ ថ្មើរជើងនៅលើតម្រាយផ្លូវជាតិលេខ៦ ដោយចាប់ផ្តើមចេញដំណើរពីចំណុចវត្តភ្នំ រាជធានីភ្នំពេញ ឆ្លងកាត់ខេត្តកណ្តាល ខេត្តកំពង់ចាម ទីរួមខេត្តកំពង់ធំ និងបញ្ចប់នៅមន្ទីរពេទ្យកុមារអង្គរ ទីរួមខេត្តសៀមរាប ក្នុងគោលបំណងដ៏ធំបំផុត គឺដើម្បីបំផុសការចូលរួមពីបងប្អូនប្រជាពលរដ្ឋគ្រប់ទិសទី ជួយឧបត្ថម្ភគាំទ្រ និងបរិច្ចាគថវិកាដោយផ្ទាល់ទៅកាន់មន្ទីរពេទ្យកុមារអង្គរ ដើម្បីបន្តបេសកកម្មធ្វើឱ្យប្រសើរឡើងនូវសេវាថែទាំសុខភាព ពិសេសការជួយសង្គ្រោះជីវិតកុមារដោយឥតគិតថ្លៃ។

សូមចូលរួមទាំងអស់គ្នា ដោយការស្កេន KHQR ដើម្បីបរិច្ចាគដោយផ្ទាល់ទៅកាន់គណនីនៃមន្ទីរពេទ្យកុមារអង្គរ | AHC FUNDRAISER (ABA) 000 320 555 ៕