(ភ្នំពេញ)៖ ដូចការគ្រោងទុកកម្ពុជា នឹងបើកការដ្ឋានសាងសង់វារីអគ្គិសនីបូកទឹកស្តុកទុក ឬ Pumped Storage ដំបូងគេនៅអាស៊ី នាថ្ងៃទី១០ ខែមេសា ឆ្នាំ២០២៦ខាងមុខនេះបន្ទាប់ពីចំនាយពេលសិក្សារអស់រយៈពេលមួយឆ្នាំ នៅក្នុងខេត្តកោះកុងនៃប្រទេសកម្ពុជា។ ស្ថានីយអគ្គិសនីបូមទឹកស្តុកទុក ឬ Pumped Storage នេះគ្រោងចំណាយទុកវិនិយោគប្រមាណ១ពាន់លានដុល្លារអាមេរិក ដោយក្រុមហ៊ុន Cambodian Tatay Hydropower Limited ។

បើតាមលោក Zhao Wensheng អគ្គនាយករងប្រតិបត្តិនៃក្រុមហ៊ុន Cambodian Tatay Hydropower Limited ក្នុងកិច្ចសម្ភាសន៍ជាមួយ Fresh News បានឲ្យដឹងថា គម្រោងនេះនឹងសម្ភោធការសាងសង់នៅថ្ងៃទី១០ ខែមេសា ហើយមានវត្តមានលោក Wang Wenbin ឯកអគ្គរដ្ឋទូតចិនប្រចាំកម្ពុជា និងលោក កែវ រតនៈ រដ្ឋមន្រ្តីក្រសួងរ៉ែនិងថាមពល ជាគណៈអធិបតី។ តាមការគ្រោងទុក វារីអគ្គិសនីបូកទឹកស្តុកទុក ឬ Pumped Storage នេះនឹងចំណាយពេលសាងសង់រយៈពេល៥ឆ្នាំ ហើយអាចផលិតអគ្គិសនីបានរហូតដល់ទៅ ១,០០០ មេហ្កាវ៉ាត់។

សូមជម្រាបថា នេះជាគម្រោងនិយោគទី៣ហើយ របស់ក្រុមហ៊ុន Cambodian Tatay Hydropower Limited នៅក្នុងប្រទេសកម្ពុជា ដោយគម្រោងទី១ គឺ វារីអគ្គិសនីតាតៃ ដែលមានអនុភាពផលិតអគ្គិសនីបាន ២៤៦មេហ្គាវ៉ាត់និងបានដំណើរការនៅឆ្នាំ២០១៤ និងវារីអគ្គិសនីតាតៃលើ ក្នុងទំហំវិនិយោគសរុបចំនួនជិត៤០០លានដុល្លារ ដែលមានអានុភាពអាចផលិតអគ្គិសនីបាន ១៥០មេហ្គាវ៉ាត់។

ជាបន្តដើម្បីជ្រាបកាន់តែច្បាស់សូមទស្សនិកជនទស្សនាកិច្ចសម្ភាសន៍នៃបណ្ដាញព័ត៌មាន Fresh News ជាមួយលោក Zhao Wensheng ដូចតទៅ៖