(តាកែវ)៖ លោក ម៉ៅ ស៊ីថា ជំនួយការសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជាប្រធានសមាគមយុវជនពន្លឺព្រះចន្ទ ព្រមទាំងសហការី នៅរសៀលថ្ងៃទី៣ ខែមេសា ឆ្នាំ២០២៦ បាននាំយកជំនួយ របស់សប្បុរសជន យកទៅចែកជូនដល់ប្រជាពលរដ្ឋ ដែលជួបការលំបាកមួយចំនួននៅក្នុងឃុំទ្រា ស្រុកសំរោង ខេត្តតាកែវ។

នៅក្នុងឱកាសនោះលោក ម៉ៅ ស៊ីថា បានថ្លែងថា សកម្មភាពមនុស្សធម៌នេះ គឺជាការចូលរួមអនុវត្តគោលនយោបាយរបស់រាជរដ្ឋាភិបាល និងលើកកម្ពស់សុខុមាលភាពប្រជាពលរដ្ឋ ព្រមទាំងបង្ហាញពីសាមគ្គីភាព និងស្មារតី «ខ្មែរជួយខ្មែរ» ដែលចេះជួយគ្នាក្នុងគ្រាលំបាក។

លោកបានប្ដេជ្ញាខិតខំប្រឹងប្រែង កៀរគរសប្បុរសជន ដើម្បីយកអំណោយសប្បុរសធម៌មកចែកជូនប្រជាពលរដ្ឋ ដែលមានជីវភាពក្រីក្រខ្វះខាតបន្ថែមទៀត ដើម្បីរួមចំណែកកាត់បន្ថយភាពក្រីក្រ ជាមួយរាជរដ្ឋាភិបាល ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

អំណោយដែលបានផ្តល់ជូនក្នុងមួយគ្រួសារ រួមមាន៖ អង្ករ២៥គីឡូក្រាម មីជាតិ១កេស ទឹកត្រី១យួរ ទឹកស៉ីអ៉ីវ១យួរ ស្ករស១គីឡូក្រាម អំបិល១គីឡូក្រាម ប៊ីចេងកន្លះគីឡូក្រាម ច្រាសដុសធ្មេញ៦ដើម ថ្នាំដុសធ្មេញ១ប្រអប់ ថ្នាំប៉ារ៉ាបញ្ចុះកំដៅ១បន្ទះ ភួយ១ ក្រម៉ា១ នំប៉័ង១០ និងថវិកា៨០,០០០រៀល។ អំណោយទាំងនេះ មានគោលបំណងជួយសម្រាលបន្ទុកជីវភាពប្រចាំថ្ងៃ និងលើកទឹកចិត្តដល់ប្រជាពលរដ្ឋ ដែលកំពុងប្រឈមនឹងការខ្វះខាត ឲ្យអាចបន្តរស់នៅដោយមានសុខុមាលភាពល្អប្រសើរឡើង៕