(ភ្នំពេញ)៖ ឧកញ៉ា តែ តាំងប៉ ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា បានអំពាវនាវឱ្យប្រជាពលរដ្ឋ បន្ដជួយគាំទ្រផលិតផលខ្មែរ ក្នុងពិព័រណ៍ផលិតផលខ្មែរ ដែលមានរយៈពេល៤ថ្ងៃ ចាប់ពីរថ្ងៃទី៩ ដល់១២ ខែមេសា ឆ្នាំ២០២៦ខាងមុខនេះ នៅមជ្ឈមណ្ឌលសាលសន្និបាត និងពិព័រណ៍កោះពេជ្រ។

ការអំពាវនាវបែបនេះរបស់ ឧកញ៉ា តែ តាំងប៉ បានធ្វើឡើងនៅថ្ងៃទី៣ ខែមេសា ឆ្នាំ២០២៦ នៅក្នុងវេទិកាសារព័ត៌មានលើប្រធានបទ៖ «រួមគ្នាផលិត រួមគ្នាប្រើផលិតផលជាតិ»។វេទិកានេះមានការចូលរួមពី លោក ពុយ គា ប្រធានក្លិបអ្នកកាសែតកម្ពុជា និងតំណាងសហគ្រាសក្នុងស្រុក ព្រមទាំងអ្នកសារព័ត៌មានជាង៨០នាក់ ដែលមកពី ៦០ស្ថាប័នផងដែរ។

ឧកញ៉ា តែ តាំងប៉ បានលើកឡើងថា ផលិតផលខ្មែរមានការទទួលស្គាល់ច្រើន អញ្ចឹងបានសំណូមពរក្នុងនាមសមាគមមូលនិធិសម្តេចតេជោ និង FASMEC បានខិតខំប្រឹងប្រែងរៀបចំឱ្យមានវេទិកាលើកទី៣។ មូលហេតុដែលធ្វើមុននេះ គឺចង់ឮ ចង់ដឹងឱ្យប្រជាជនខ្មែរយើង នៅពេលចូលឆ្នាំប្រពៃណីជាតិខ្មែរ ទិញសម្ភារៈដើម្បីទៅស្រុកកំណើតផងដែរ។

ឧកញ៉ារូបនេះបានបញ្ជាក់ថា នៅក្នុងវគ្គទី៣នេះ ផលិតផលខ្មែរយើងមានការសន្ទុះឡើងដែលយើងមិនអាចនឹកស្មានដល់ ហើយការតាំងពិព័រណ៍លើកនេះ គឺមានផលិតផលថ្មីៗជាច្រើន ហើយប្រជាជនយើងផលិត ត្រូវការបង្ហាញផលិតផល ជាពិសេស សោភ័ណ្ឌភាព គុណភាព និងបរិមាណ ដែលយើងអាចទទួលយកបាន ពីព្រោះប្រជាជនយើងមានការទំនុកទុកចិត្ដ ក្រោយពីបានចូលរួមពិព័រណ៍លើកទី១ លើកទី២ នោងលើកទី៣ ប្រជាពលរដ្ឋបានខិតខំប្រឹងប្រែងមកពីបណ្ដាខេត្ដឆ្ងាយៗ ដើម្បីមកចូលរួមពិព័រណ៍ផលិតផលខ្មែរ៕

សូមទស្សនាវីដេអូទាំងស្រុងដូចខាងក្រោម៖