(សៀមរាប)៖ នៅថ្ងៃទី៣ ខែមេសា ឆ្នាំ២០២៦ ក្រុមការងារចុះជួយភូមិកំពង់ថ្កូវ ក្រោមការដឹកនាំ ណែនាំនិងជួយឧបត្ថម្ភជ្រោមជ្រែងពីលោក ដោក សុផា សាកល​វិទ្យាធិការ សាកល​វិទ្យាល័យការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំមានជ័យបានសម្រេចជាស្ថាពរនូវ ផ្លូវលំអាទិភាពមួយខ្សែដែលមមាញឹកក្នុងការដឹកកសិផលពីស្រែទំនប់៧៨មកភូមិ ប្រវែង ១.៥០០ម៉ែត្រ រងខូចខាតដោយទឹកជំនន់ ជាផ្លូវសម្រួលឲ្យការដឹកជញ្ជូនកសិផលរបស់កសិករទូទាំងឃុំមានជ័យបានជួសជុលរួចជាស្ថាពរ ជួយចាក់ដីបន្ថែមជួសជុលផ្លូវចំនួន១០០ឡានជួលអេស្កាវ៉ាទ័រតភ្ជាប់ផ្លូវដាច់ ដែលបានចំណាយថវិកាស្ម័គ្រចូលរួមចែករំលែកពីបងប្អូនក្រុមការងារនិងសប្បុរសជន ដែលនេះជាការដោះស្រាយសំណើ សំណូមពរប្រជាពលរដ្ឋចុងក្រោយ ក្នុងចំណោម ២០សំណើដែលបងប្អូនទាំង៦ភូមិ បានស្នើក្នុងវេទិកាសាធារណៈទាំង៦លើកនាឆ្នាំ២០២៥ និងពិធីផ្សព្វផ្សាយសភាពការណ៍ឆ្នាំ២០២៥ និងលើកទិសដៅការងារឆ្នាំ២០២៦របស់ឃុំមានជ័យ កាលពីថ្ងៃទី២៧ ខែមីនា កន្លងមក។

ប្រជាពលរដ្ឋ១.២០៦គ្រួសារនៅឃុំមានជ័យ ស្រុកប្រាសាទបាគង ខេត្តសៀមរាប បានសំដែងនូវក្តីរំភើបរីករាយអបអរសាទរសមិទ្ធិផលថ្មី បានមកពីសំណើសំណូមពរជាបញ្ហាប្រឈមរបស់ប្រជាពលរដ្ឋបានស្នើសុំក្នុងវេទិកាសាធារណៈរៀបចំដោយក្រុមការងាររាជរដ្ឋាភិបាល បានដោះស្រាយជូនរួច សំខាន់មាន៖

-ការស្នើសុំជួសជុលផ្លូវលំទៅស្រែចំនួន ៦ខ្សែ នៅតាមភូមិទាំង៦ ដែលខូចខាតដោយទឹកជំនន់
-ការស្នើសុំស្ដារប្រឡាយ ស្តារស្ទឹង ជួយដោះស្រាយក្នុងការនាំទឹកចូលស្រែប្រាំង
-ការស្នើសុំជួយដល់មណ្ឌលសុខភាព ធ្វើរបងក្លោងទ្វារ សំភារថ្នាំពេទ្យ ចុះព្យាបាលជំងឺប្រជាពលរដ្ឋ
-ការរៀបចំភូមិឃុំមានសុវត្ថិភាព
-ការស្នើសុំបង្គោលភ្លើងអគ្គីសនីចូលផ្លូវក្នុងភូមិ
-ការស្នើសុំដាក់ស្លាក់ចរាចរណ៍ និងសម្រួលចរាចរណ៍នៅតាមច្រកចូលសាលារៀន ដើម្បីការពារសិស្ស
-ការស្នើសុំដាក់អំពូលសូឡាបំភ្លឺតាមដងផ្លូវលំនៅតាមបណ្តាភូមិទាំង៦ និងដងផ្លូវថ្មីសម្តេចធិបតី
-ការសិក្សាភាសាអង់គ្លេសក្រៅម៉ោងដល់យុវជន ។ល។

ស្នាមញញឹមរីករាយរបស់ប្រជាជន បានបង្ហាញពីការគាំទ្រគណបក្សប្រជាជនកម្ពុជាក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ជាប្រធាន សម្តេចពិជ័យសេនា ទៀ បាញ់ ជាអនុប្រធាន និងសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី បានដាក់ចេញនូវយុទ្ធសាស្ត្របញ្ចកោណដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងចីរភាព រស់នៅរួមសុខរួមទុក្ខជាមួយប្រជាជននៅគ្រប់កាលៈទេសៈ ដែលមានក្រុមការងារថ្នាក់ជាតិ ស្រុក ឃុំ រហូតដល់ភូមិ ជាសេនាធិការ ធ្វើសកម្មភាពជាប់ជាបន្តបន្ទាប់ ដោយស្ម័គ្រចិត្តលះបង់ទាំងកម្លាំងកាយចិត្ត សមនឹងពាក្យស្លោក ធ្វើអ្វីៗឆ្ពោះទៅបម្រើប្រជាជន ៕