(ព្រះសីហនុ)៖ ដើម្បីកាត់បន្ថយគ្រោះថ្នាក់ចរាចរណ៍ កម្លាំងនគរបាលចរាចរណ៍ផ្លូវគោក សហការជាមួយកម្លាំងការិយាល័យនគរបាលប្រឆាំងគ្រឿងញៀន ចុះរឹតបន្តឹងអនុវត្តច្បាប់ស្តីពីចរាចរណ៍ផ្លូវគោក ត្រួតពិនិត្យជាតិស្រវឹង និងធ្វើតេស្ដរកសារធាតុគ្រឿងញៀន លើអ្នកបើកបររថយន្តធុនធំជាច្រើនគ្រឿង។

ចុះត្រួតពិនិត្យនាពេលនេះធ្វើឡើងនៅថ្ងៃទី៣ ខែមេសា ឆ្នាំ២០២៦ ដោយអនុវត្តតាមអនុសាសន៍របស់នាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ម៉ាង ស៊ីណេត អភិបាលខេត្តព្រះសីហនុ និងការចង្អុលបង្ហាញពីសំណាក់ លោកឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ។

គោលដៅចុះត្រួតពិនិត្យនេះ ដឹកនាំដោយលោកវរសេនីយ៍ទោ នី ចាន់ណារ៉ា នាយការិយាល័យនគរបាលចរាចរណ៍ផ្លូវគោក ដឹកនាំកម្លាំងនគរបាលចរាចរណ៍ផ្លូវគោក សហការជាមួយកម្លាំងការិយាល័យនគរបាលប្រឆាំងគ្រឿងញៀន ដោយចុះ
រឹតបន្តឹងអនុវត្តច្បាប់ស្តីពីចរាចរណ៍ផ្លូវគោក ត្រួតពិនិត្យជាតិស្រវឹង និងធ្វើតេស្ដរកសារធាតុញៀន លើអ្នកបើកបររថយន្តធុនធំ លេីផ្លូវជាតិលេខ៤ ចន្លោះគីឡីម៉ែត្រ២២០-២២១ ស្ថិតនៅ សង្កាត់លេខ១ ក្រុងព្រះសីហនុ៕