(កំពង់ឆ្នាំង)៖ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងជាប្រធានគណៈកម្មាធិការគណបក្សប្រជាជនកម្ពុជាខេត្ត នៅព្រឹកថ្ងៃទី៤ ខែមេសា ឆ្នាំ២០២៦នេះ បានដឹកនាំក្រុមការងារចុះជួបសំណេះសំណាលជាមួយមន្ត្រីរាជការ លោកគ្រូ-អ្នកគ្រូ និងបុគ្គលិកអប់រំទូទាំងស្រុកកំពង់លែង ជាង៤០០នាក់។

នឱកាសនោះដែរលោកអភិបាលខេត្តបានលើកឡើងថា ពិធីជួបសំណេះសំណាលជាមួយលោកគ្រូ-អ្នកគ្រូ និងមន្ត្រីរាជការក្នុងស្រុកកំពង់លែងនាថ្ងៃនេះក្នុងគោលបំណងលើកកម្ពស់វិស័យអប់រំ និងលើកទឹកចិត្តដល់បុគ្គលិកសិក្សា ក្នុងការខិតខំយកចិត្តទុកដាក់បណ្ដុះបណ្ដាលសិស្សានុសិស្សឲ្យមានចំណេះដឹងខ្ពស់ប្រកបដោយគុណភាពដើម្បីចូលរួមអភិវឌ្ឍន៍សង្គមជាតិ។

លោកអភិបាលខេត្តក៏បានលើកទឹកចិត្តដល់បុគ្គលិកអប់រំគ្រប់លំដាប់ថ្នាក់ឲ្យពង្រឹងចំណេះដឹងបញ្ចេញបទពិសោធន៍ល្អៗ និងខិតខំបំពេញការងារឲ្យបានខ្ជាប់ខ្ជួន ដើម្បីក្លាយជាថ្នាក់ដឹកនាំដ៏មានសក្តានុពលព្រមទាំងកែច្នៃវិស័យអប់រំឲ្យមានសន្ទុះទាំងបរិមាណ និងគុណភាព។

ប្រធានគណៈកម្មាធិការគណបក្សប្រជាជនកម្ពុជា ខេត្តកំពង់ឆ្នាំង
បានបន្តថា រាជរដ្ឋាភិបាលកម្ពុជា បានយកចិត្តទុកដាក់អភិវឌ្ឍន៍លើវិស័យអប់រំ គឺបានចាត់ទុកគ្រូបង្រៀន គឺជាឆ្អឹងខ្នងនៃវិស័យអប់រំតាមរយៈគោលនយោបាយការដំឡើងប្រាក់បៀវត្សរបស់គ្រូបង្រៀនឲ្យបានសមរម្យ។

លោកបានបញ្ជាក់ថា សម្ដេចមហាបវរធិបតី ហ៊ុន ម៉ាណែត នា យករដ្ឋមន្ត្រីនៃកម្ពុជា បានដាក់ចេញវិធានការពន្លឹះចំនួន៤ក្នុងគោលដៅពង្រឹងគុណភាពគ្រឹះស្ថានសិក្សារដ្ឋតាំងពីថ្នាក់មតេយ្យសិក្សាដល់មធ្យមសិក្សា រួមមានការពង្រឹងអភិបាលកិច្ចសាលារៀនការពិនិត្យកែសម្រួល និងរៀបចំកម្មវិធីសិក្សា និងសកម្មភាពក្រៅម៉ោងសិក្សាក្នុងការពង្រឹងសីលធម៌វិន័យ និងឥរិយាបទរបស់សិស្សយកចិត្តទុកដាក់លើសុខភាពរបស់សិស្សតាមរយៈកម្មវិធីអាហាររូបត្ថម្ភដល់កុមារ និងការត្រួតពិនិត្យគុណភាពចំណីអាហាររបស់សិស្សជំរុញ និងលើកទឹកចិត្តការចូលរួមរបស់មាតា បិតាអាណាព្យាបាល និងសហគមន៍ក្នុងការអប់រំស្រ បតាមពាក្យស្លោកភាពជាដៃគូររដ្ឋ និងសហគមន៍ដើម្បីការអប់រំគាំទ្រយុទ្ធសាស្ត្របច្ចកោណដំណាក់កាលទី១ និងវិធានការគន្លឹះរបស់រាជរដ្ឋាភិបាលកម្ពុជា ក្រសួងអប់រំយុវជន និងកីឡាបាននឹងកំពុងអនុវត្តទៅលើសាលាគំរូសម្រាប់មតេយ្យសិក្សារហូតដល់មធ្យមសិក្សា និងគោលនយោបាយអប់រំ ឱ្យប្រជាពលរដ្ឋកម្ពុជាទទួលបានការអប់រំប្រកបដោយគុណភាព សមធម៌ និងបរិយាបន្នពោរពេញដោយចំណេះដឹង បំណិន វិន័យ សីលធម៌ និងឥរិយាបថល្អ ព្រមទាំងមានកាយសម្បទារឹងមាំ និងការសិក្សាពេញមួយជីវិត។

ដោយសារតែការបោះឆ្នោតជ្រើសរើសក្រុមប្រឹក្សាឃុំ-សង្កា ត់កាន់តែខិតជិតចូលមកដល់ អភិបាលខេត្តបានឆ្លៀតឱកាសនេះបានក្រើនរំលឹកដល់ថ្នាក់ដឹកនាំគណបក្សតាំងពីថ្នាក់ខេត្ត ដល់ថ្នាក់មូលដ្ឋានដោយលោកបានសង្កត់ធ្ងន់លើសារៈសំខាន់នៃការសាមគ្គីភាពផ្ទៃក្នុង និងលើកទឹកចិត្តដល់សមាជិក សមាជិកាគណបក្សខិតខំបន្តការងារបម្រើប្រជាពលរដ្ឋឲ្យអស់ពីចិត្តនិងបន្តជួយផ្សព្វផ្សាយអំពីសមិទ្ធផលនានារបស់គណបក្សដល់មូលដ្ឋាន ដើម្បីទទួលបានការគាំទ្រក្នុងការបោះឆ្នោតនាពេលខាង មុខព្រមទាំងដាស់តឿនមន្ត្រីមូលដ្ឋានឲ្យយកចិត្តទុកដាក់បម្រើប្រជាពលរដ្ឋឲ្យកាន់តែខ្លាំងក្លាថែមទៀតធ្វើយ៉ាង ណាឲ្យប្រជាពលរដ្ឋមានទំនុកចិត្តលើបក្ស។

លោកបញ្ជាក់ថា សុភមង្គល និងសេចក្តីសុខរបស់ប្រជាពលរដ្ឋ គឺជាគោលដៅរបស់គណបក្សប្រជាជនកម្ពុជា ដែលត្រូវធ្វើឲ្យខាងតែបានជូនប្រជាពលរដ្ឋរហូតទៅ៕