(ភ្នំពេញ)៖ លោកបណ្ឌិត មាឃ បូរ៉ា ប្រធានវិទ្យាស្ថានភាសាជាតិ ក្នុងកិច្ចសម្ភាសមកកាន់បណ្តាញព័ត៌មាន Fresh News នៅថ្ងៃទី៨ ខែមេសា ឆ្នាំ២០២៦ បានលើកឡើងថា ភាសា គឺជាឫសគល់ដើមនៃជាតិសាសន៍មួយ ហើយដូនតាខ្មែរ ខិតខំបង្កើតភាសាខ្មែរខ្លាំងណាស់។ លោកបន្តថា ទោះសម័យទំនើបយ៉ាងណា ក៏ភាសាខ្មែរមានគ្រប់ពាក្យសម្រាប់ជំនួសភាសាបរទេសដែរ។

លោកបណ្ឌិត មាឃ បូរ៉ា បានស្នើឲ្យកូនខ្មែរខិតខំអភិរក្សអក្សរជាតិ ដោយមិនត្រូវសរសេរសំណេរខ្មែរលាយបរទេស, សរសេរបរទេសសំនៀងខ្មែរ និងនិយាយបរទេសជំនួសពាក្យខ្មែរឡើយ។ លោកបណ្ឌិត មិនជំទាស់ទេ សម្រាប់វាគ្មិន ឬគ្រូបង្រៀន ដែលយកពាក្យបច្ចេកទេសមួយពាក្យៗ មកនិយាយនោះ ប៉ុន្តែសម្រាប់ក្នុងនាមលោកជាអ្នកស្រាវជ្រាវមួយរូប បានអះអាងថា ភាសាខ្មែរមានគ្រប់ពាក្យ សម្រាប់ជំនួសភាសាបរទេស។

សូមជម្រាបថា ភាសា គឺជាធាតុមួយនៃវប្បធម៌ ដែលជាមែកធាងនៃអរិយធម៌។ ការលើកឡើងរបស់ប្រធានវិទ្យាស្ថានភាសាជាតិ ដោយសារថ្មីៗនេះ នៅលើបណ្តាញសង្គម មានការប្រតិកម្មខ្លាំង ពាក់ព័ន្ធនឹងការនិយាយមួយឃ្លា មានលាយភាសាខ្មែរពាក់កណ្តាល និងបរទេសពាក់កណ្តាល៕

ខាងក្រោមនេះជាវិដេអូសម្ភាសរវាងលោក កែវ ពិសិដ្ឋ និពន្ធនាយករងបណ្តាញព័ត៌មាន Fresh News និងលោកបណ្ឌិត មាឃ បូរ៉ា៖