(សៀមរាប​)៖ សាស្រ្តាចារ្យ និងនិស្សិត ផ្នែកស្ថាបត្យកម្ម ជំនាន់ទី២៤ នៃសាកលវិទ្យាល័យន័រតុន បានធ្វើទស្សនកិច្ចសិក្សាស្វែងយល់ នៅតំបន់រមណីយដ្ឋានអង្គរ ក្នុងបំណងដើម្បីសិក្សាពីប្រវត្តិសាស្រ្ត និងសំណង់ស្ថាបត្យកម្មបុរាណខ្មែរ។

ដំណើរទស្សនកិច្ចខាងលើនេះ ធ្វើឡើងរយៈពេល៣ថ្ងៃ ចាប់ពីថ្ងៃទី៦ ដល់ថ្ងៃទី៨ ខែមេសា ក្នុងនោះបានទៅទស្សនានៅប្រាសាទបាគង ប្រាសាទព្រហ្មកិល និងប្រាសាទអង្គរវត្ត។

នៅថ្ងៃទី២ សាស្រ្តាចារ្យ និងនិស្សិតសរុប ៣២៤នាក់ បានចូលរួមជួបសម្តែងការគួរសម និងសំណេះសំណាលស្វែងយល់ពីការងារមួយចំនួនរបស់អាជ្ញាធរជាតិអប្សរា ហើយថ្ងៃចុងក្រោយ ទៅទស្សនាសារមន្ទីរព្រះនរោត្តម សីហនុ-អង្គរ។

សូមជម្រាបថា ក្រោមកិច្ចសហការជាមួយស្ថាប័នអប់រំ អាជ្ញាធរជាតិអប្សរាបានសម្របសម្រួលឱ្យមានដំណើរទស្សនកិច្ចសិក្សារបស់ក្រុមនិស្សិតមកកាន់តំបន់អង្គរ ក្នុងន័យបញ្រ្ជាបការយល់ដឹង និងផ្សព្វផ្សាយពីការងារអភិរក្ស និងអភិវឌ្ឍន៍ ដែលអាជ្ញាធរជាតិអប្សរា បាននិងកំពុងអនុវត្តជាបន្តបន្ទាប់ ក្នុងបុព្វហេតុការពារសម្បត្តិបេតិកភណ្ឌពិភពលោករបស់មនុស្សជាតិ៕