(ភ្នំពេញ)៖ សាលាដំបូងរាជធានីភ្នំពេញ ធ្វើការការប្រជុំផ្សព្វផ្សាយសេចក្តីសម្រេចចិត្តសន្និបាតបូកសរុបលទ្ធផលការងារ វាស័យយុត្តិធម៌ឆ្នាំ២០២៥ និងកំណត់ទិសដៅការងារជាអាទិភាពឆ្នាំ២០២៦ និងសេចក្តីណែនាំផ្សេងៗ របស់ក្រសួងយុត្តិធម៌។

កិច្ចប្រជុំនេះបានធ្វើឡើង ក្រោមអធិបតីភាពលោក ងួន ណារ៉ា ប្រធានសាលាដំបូងរាជធានីភ្នំពេញ ដោយមានការចូលរួមពីលោក លោកស្រី អនុប្រធាន ចៅក្រម ក្រឡាបញ្ជី អាជ្ញាសាលា មន្ត្រី រាជការ លេខាធិ ការដ្ឋាន រដ្ឋបាល មន្ត្រីជាប់កិច្ចសន្យា និងអ្នកជួយការនៅសាលាដំបូងរាជធានីភ្នំពេញ ប្រារព្ធការផ្សព្វផ្សាយសេចក្តីសម្រេចចិត្តសន្និបាតបូកសរុបលទ្ធផលការងារ វាស័យយុត្តិធម៌ឆ្នាំ២០២៥ និងកំណត់ទិសដៅការងារជាអាទិភាពឆ្នាំ២០២៦ និងសេចក្តីណែនាំផ្សេងៗ របស់ក្រសួងយុត្តិធម៌ ដែលបានសម្រេចក្នុងសន្និបាតកន្លងមករបស់ក្រសួងយុត្តិធម៌។

ក្រោមការសម្របសម្រួលរបស់លោក ងួន ណារ៉ា ប្រធានសាលាដំបូង ប្រធានបទចំនួន ២ ត្រូវបានធ្វើបទបង្ហាញក្នុងកិច្ចប្រជុំនេះផងដែរ គឺ៖ (១) ប្រធានបទ ‹បទបង្ហាញស្តីពីកិច្ចសន្យាលក់-ទិញ› ត្រូវបានឧទ្ទេសនាមដោយលោក ឡោ ក្រឹម ចៅក្រមសាលាដំបូងរាជធានីភ្នំពេញនិង(២) ប្រធាបទ ‹បទបង្ហាញស្តីពី ការអនុវត្តដោយបង្ខំ› ឧទ្ទេសនាមដោយលោក ឆែ វិវឌ្ឍនៈ អនុប្រធានសាលាដំបូងរាជធានីភ្នំពេញ។

ក្នុងពិធីផ្សព្វផ្សាយនេះដែរ សេចក្តីសម្រេចចិត្តសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៥ និងកំណត់ទិសដៅការងារជាអាទិភាពឆ្នាំ២០២៦ ត្រូវបានអានដោយលោក អ៊ី រិន្ន ប្រធានលេខាធិការដ្ឋានរដ្ឋបាលសាលាដំបូងរាជធានីភ្នំពេញ។

ក្នុងឱកាសថ្លែងបិទកិច្ចប្រជុំផ្សព្វផ្សាយសេចក្តីសម្រេចចិត្តសន្និបាតបូកសរុបលទ្ធផលការងារ វិស័យយុត្តិធម៌ឆ្នាំ២០២៥ និងកំណត់ទិសដៅការងារជាអាទិភាពឆ្នាំ២០២៦ និងសេចក្តីណែនាំផ្សេងៗ របស់ក្រសួងយុត្តិធម៌លោក ងួន ណារ៉ា ប្រធានសាលាដំបូងរាជធានីភ្នំពេញ បានមានប្រសាសន៍អំពីពិធីនីមួយៗដែលត្រូវធ្វើ គឺឯកឧត្តមតែងតែមានរបៀបវារៈ ‹គោរពភ្លេងជាតិ និងគោរពវិញ្ញាណក្ខន្ធដល់វីរកងទ័ព វីរនគរបាលជាតិ› ដែលជាស្មារតីចងចាំដឹងគុណដល់វីរៈកងកម្លាំង ដែលបានលះបង់បូជាជីវិតក្នុងការពារបូរណភាពទឹកដី។ ឯកឧត្តមប្រធានបានថ្លែងអំណរគុណដល់លោក លោកស្រីទាំងអស់ដែលកន្លងមកបានជួយឧបត្ថម្ភជួយដល់វីរកងកម្លាំងជួរមុខ ដែលប្រយុទ្ធជាមួយសត្រូវឈ្លានពានកន្លងមក។

ជាមួយគ្នានេះផងដែរ លោកប្រធានបានរំឭក និងប្ដេជ្ញាចិត្តជាមួយអ្នកចូលរួមកិច្ចប្រជុំថា នឹងអនុវត្តសេចក្តីសម្រេចចិត្តសន្និបាតបូកសរុបលទ្ធផលការងារ វាស័យយុត្តិធម៌ឆ្នាំ២០២៥ និងកំណត់ទិសដៅការងារជាអាទិភាពឆ្នាំ២០២៦ និងសេចក្តីណែនាំផ្សេងៗ របស់ក្រសួងយុត្តិធម៌ ឱ្យទទួលបានលទ្ធផលល្អ និងជោគជ័យ។