(ភ្នំពេញ)៖ គណៈកម្មាធិការនាយក ពុទ្ធិកសមាគមកម្ពុជរដ្ឋ និងសមាជិក សមាជិកាទាំងអស់ សូមចូលរួមអនុមោទនា ត្រេកអរ អបអរសាទរយ៉ាងក្រៃលែងជាទីបំផុត ប្រគេនចំពោះ ព្រះសិរីកោសល សុំ សុខា ព្រះប្រធានពុទ្ធិកសមាគមកម្ពុជរដ្ឋ ក្នុងវរោកាស ដែលសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី ក្នុងព្រះបរមនាម ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់សព្វព្រះរាជហឬទ័យ ត្រាស់បង្គាប់ តែងតាំងគោរមងា ឱ្យឡើងទីជា ព្រះឥន្ទមុនី ព្រះរាជាគណៈថ្នាក់ចត្វា គណៈមហានិកាយ នៃព្រះរាជាណាចក្រកម្ពុជា តាមសេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។

ក្នុងវរោកាសដ៏ប្រពៃថ្លថ្លានេះ សូមប្រគេនព្រះពរ ព្រះឥន្ទមុនី សុំ សុខា ព្រះរាជាគណៈថ្នាក់ចត្វា គណៈមហានិកាយ នៃព្រះរាជាណាចក្រកម្ពុជា សូមព្រះប្រធាន មានព្រះសុខភាពល្អ បរោបូណរ៍ ព្រះបញ្ញាញាណវៀងវៃ ប្រកបដោយនូវព្រះពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ ដើម្បីបានគង់នៅជាម្លប់ដ៏ត្រជាក់ត្រជុំដល់ពុទ្ធបរិស័ទ និងបន្តដឹកនាំ ពុទ្ធិកសមាគមកម្ពុជរដ្ឋ ឱ្យបានរុងរឿងបន្ថែមទៀតជាអង្វែងតរៀងទៅ៕