(ប៉ៃលិន)៖ ថ្ងៃទី១៥ ខែមេសា ឆ្នាំ២០២៦ ទេសរដ្ឋមន្ត្រី អ៉ី ឈាន ប្រធានក្រុមការងាររាជ រដ្ឋាភិបាលចុះមូលដ្ឋានខេត្តប៉ៃលិន និងលោកស្រីបណ្ឌិត បាន ស្រីមុំ អភិបាល នៃគណៈ អភិបាលខេត្ត បានអញ្ជើញនាំយកអំណោយ មកដាក់ក្នុងផ្ទះបរិច្ចាគ នៅគ្រប់ទីតាំងទាំងអស់ ក្នុង ខេត្ត ដើម្បីជួយដល់បង ប្អូនទុរគតជន និងមានជីវភាពខ្វះខាត ក្នុងឱកាសបុណ្យចូលឆ្នាំថ្មី ប្រពៃណីជាតិ ខ្មែរ។

មទេសរដ្ឋមន្ត្រី អ៉ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន បានមានប្រសាសន៍លើកឡើងថា៖ វប្បធម៌ នៃការចែករំលែក បានស្តែងចេញតាមរយៈនៃសមានចិត្ត ជួយ គ្នា ក្នុងគ្រាមានអាសន្ន និងសាមគ្គីភាពក្នុង ចំណោមប្រជាជនកម្ពុជា ហើយទង្វើ ដ៏ ប្រពៃថ្លៃថ្លានេះទទួល បាន នូវការសាទរយ៉ាងខ្លាំង ពីសំណាក់បង ប្អូន ប្រជាពលរដ្ឋនិងបានសរបញ្ជាក់ឱ្យឃើញពីតម្លៃ មិន អាចកាត់ ថ្លៃ បាន និងការមិនរើសអើងចំពោះ ពលរដ្ឋណាម្នាក់ ឬជាតិសាសន៌ណាមួយ ដែលជួបការលំបាក ដូច្នេះ កាយវិការ ដ៏ប្រពៃនេះ បានឆ្លាក់ ជាប់ ក្នុងក្រអៅបេះដូង នៃពលរដ្ឋខ្មែរគ្រប់រូប ។

ទេសរដ្ឋមន្ត្រី បានមានប្រសាសន៍បន្តថា៖ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តែងតែគិតគូពីសុខទុក្ខរបស់ប្រជាពលរដ្ឋងាយរងគ្រោះ និង រងគ្រោះ ដោយគ្រោះមហន្តរាយ និង ឧបទ្ទេហេតុផ្សេងៗ នៅទូទាំងប្រទេសគ្រប់ពេលវេលា ដោយមិន មាន ការរើស អើង វណ្ណៈ ជាតិសាសន៍ ពណ៌សម្បុរ ឬនិន្នា ការនយោបាយអ្វីឡើយ ជាពិសេសបានផ្តាំផ្ញើ ដល់មន្ត្រី មូលដ្ឋាន គ្រប់ជាន់ថ្នាក់ ត្រូវយកចិត្តទុក្ខដាក់ចំពោះ ជីវភាពរស់នៅប្រជាពលរដ្ឋ ដោយមិន បណ្តោយ ឱ្យ ពលរដ្ឋណាម្នាក់ស្លាប់ អត់បាយដោយមិនបានដឹង និងមិនបានជួយដោះ ស្រាយនោះ ឡើយ។

ទេសរដ្ឋមន្ត្រី អ៉ី ឈាន បានមានប្រសាសន៍អំពាវនាវ ដល់បង ប្អូនសប្បុរសជន ទាំងក្នុង ខេត្ត ក្រៅខេត្ត ទាំងក្នុងប្រទេស និងក្រៅប្រទេស សូមចូលរួមការងារមនុស្សធម៌ វប្បធម៌នៃការ ចែករំលែកដោយអាចយកជាសម្ភារៈប្រើប្រាស់ (ថ្មី ឬ ១តឹក) និងគ្រឿងឧបភោគបរិភោគ យកមកដាក់ ក្នុងផ្ទះ បរិច្ចាគនេះ ដើម្បីជួយដល់បងប្អូនទុរគតជន និងមានជីវភាពខ្វះខាត ដើម្បីដោះស្រាយជីវភាពរស់ នៅ ប្រចាំថ្ងៃ។

សូមបញ្ជាក់ថា៖ «ផ្ទះបរិច្ចាគ» ដែលមានទីតាំងនៅទូទាំងខេត្ត ត្រូវបានផ្តួចផ្តើមបង្កើតឡើង ដោយលោកស្រីបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន ក្នុងគោលបំណងទទួល និងផ្តល់សម្ភារៈគ្រឿងឧបភោគបរិភោគ សម្រាប់ទុរគតជន និងប្រជាពលរដ្ឋមានជីវភាពខ្វះខាត៕