(ត្បូងឃ្មុំ)៖ កម្លាំងប៉ុស្តិ៍នគរបាលរដ្ឋបាលក្រែក នៅថ្ងៃទី១៩ ខែមេសា ឆ្នាំ២០២៦ បានទទួលព័ត៌មានពីប្រជាពលរដ្ឋថា មានក្រុមក្មេងទំនើងមួយក្រុម បានជិះម៉ូតូបង្ហោះម៉ូតូតាមផ្លូវសាធារណៈ ស្ថិតក្នុងភូមិជីមាន់កណ្តាល ឃុំក្រែក ស្រុកពញាក្រែក ខេត្តត្បូងឃ្មុំ។

ក្រោយពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលក្រែក សហកាជាមួយកម្លាំងប្រជាការពារ និងប្រជាពលរដ្ឋល្អ បានស្ទាក់ និងនាំខ្លួនក្មេងទំនើងចំនួន៤នាក់ រួមមាន៖

*១. ឈ្មោះ ឈុន វីឈីន ភេទប្រុស អាយុ១៨ឆ្នាំ ជាតិខ្មែរ
*២. ឈ្មោះ ស៊ែន ផានុត ភេទប្រុស អាយុ១៨ឆ្នាំ ជាតិខ្មែរ ទាំង២នាក់ រស់នៅភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។
*៣. ឈ្មោះ ង្វៀង ជំាងទៀង ភេទប្រុស អាយុ១៦ឆ្នាំ ជនជាតិវៀតណាម
*៤. ឈ្មោះ ហូ វូហុង ភេទប្រុស អាយុ១៨ឆ្នាំ ជនជាតិវៀតណាម ទាំង២នាក់ រស់នៅភូមិតឹងហ័រ ឃុំតឹងឡាប់ ខេត្តតៃនិញ ប្រទេសវៀតណាម។

នគរបាល បានធ្វើការសាកសួរ និងបានដកហូតម៉ូតូចំនួន២គ្រឿង រួមមាន៖

*១. ម៉ូតូម៉ាកសង ស៊េរីឆ្នាំ១៩៨៩ ពណ៌ព្រីងទុំ គ្មានផ្លាកលេខ
*២. ម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០២៧ គ្មានផ្លាកលេខ។

កម្លាំងសមត្ថកិច្ចបានធ្វើការអប់រំណែនាំ និងធ្វើកិច្ចសន្យា និងបានដកហូតម៉ូតូទាំង២គ្រឿង ខាងលើរក្សាទុករយៈពេល៣ខែ ហើយអាណាព្យាបាលក្មេងទំនើងទាំង៤នាក់ បានសំណូមពរ និងធានាយកទៅអប់រំណែនាំ នៅមូលដ្ឋានបន្ថែមទៀត៕