គណៈកម្មាធិការទទួលស្គាល់គុណភាពអប់រំនៃកម្ពុជា ទទួលស្គាល់គុណភាពអប់រំពេញសិទ្ធិ សម្រាប់រយៈពេល៥ឆ្នាំ របស់ពុទ្ធិកសាកលវិទ្យាល័យព្រះសីហនុរាជ

FRESH NEWS+

* វិភាគអន្តរជាតិ៖ ហេតុអ្វីភ្នែករបស់សហរដ្ឋអាមេរិកនៅលើមេឃសំខាន់សម្រាប់អ៊ុយក្រែនម្ល៉េះ?

* ក្រុមអ្នកនយោបាយរុស្ស៊ី សាទរភាពប្រេះឆារវាងលោក ត្រាំ និងលោក ហ្សេលេនស្គី ប៉ុន្តែនៅតែប្រុងប្រយ័ត្នខ្ពស់

* កម្ពុជាបំបែកកំណត់ត្រាប្រវត្តិសាស្ត្រថ្មីក្នុងការនាំចេញអង្ករផ្លូវការ កើនឡើងលើស ១លានតោន!

* បារាំង គ្រោងដាក់បម្រាមគោចរនៅតំបន់មួយចំនួន ក្រោយផ្ទុះកុបកម្ម និងការលួចប្លន់ទ្រព្យសម្បត្តិ

* គណៈកម្មការផ្សះផ្សា UNCLOS ប្រកាសវិធានការកសាងទំនុកចិត្តរវាងកម្ពុជា និងថៃ នៅទីក្រុងឡាអេ ខណៈកម្ពុជាប្រកាសគាំទ្រពេញទំហឹង

* Fresh Exclusive/ Commentary: មេរៀនសម្រាប់ អ៊ុំ សំអាន៖ ចោទប្រកាន់រឿងបាត់បង់ទឹកដី ត្រូវមានភស្តុតាង!

* លោក តូ ឡឹម ផ្ញើសារថ្លែងអំណរគុណសម្តេចតេជោ ហ៊ុន សែន និងប្តេជ្ញាបន្តពូនជ្រុំទំនាក់ទំនងកម្ពុជា-វៀតណាម ឱ្យកាន់តែរីកចម្រើនរឹងមាំ

* ជាជនជាតិប៉ូឡូញ តែមានបេះដូងជាខ្មែរ ស្រឡាញ់សម្លៀកបំពាក់ខ្មែរ ស្រឡាញ់ឈ្មោះជាខ្មែរ ហើយបានដាក់ទុនវិនិយោគដ៏ច្រើននៅខ្មែរ

* ជួបសម្តេចមហាបវរធិបតី, ក្រុមហ៊ុន IM Capital Holding ប្ដេជ្ញាជំរុញការភ្ជាប់ទំនាក់ទំនងរវាងវិស័យឯកជនកម្ពុជា-ប៉ូឡូញ

* រដ្ឋមន្ត្រីការបរទេស និងកិច្ចការអឺរ៉ុប ប្រទេសក្រូអាស៊ី ប្តេជ្ញាជំរុញទំនាក់ទំនង និងកិច្ចសហប្រតិបត្តិការជាមួយកម្ពុជា

* ចិនព្រមានពលរដ្ឋរបស់ខ្លួនពី Scams នៅក្រោមរូបភាពផ្ដល់ការងារមានប្រាក់ខែខ្ពស់ និងការចាប់ពង្រត់ក្នុងប្រទេសថៃ

* រដ្ឋមន្ត្រីការបរទេសក្រូអាស៊ី បញ្ជាក់ពីការប្តេជ្ញាចិត្តជូនសម្តេចបវរធិបតី ហ៊ុន ម៉ាណែត និងជួយជំរុញបន្ថែមលើទំនាក់ទំនង និងកិច្ចសហប្រតិបត្តិការជាមួយកម្ពុជា

* សម្តេចមហាបវរធិបតី ហ៊ុន ម៉ាណែត ឈានចូលវ័យ៥០ឆ្នាំ

* សម្តេចព្រះមហាក្សត្រី ព្រះវររាជមាតាជាតិខ្មែរ ផ្ញើព្រះរាជសារប្រសិទ្ធពរជ័យ និងកោតសរសើរដល់ សម្តេចធិបតី ហ៊ុន ម៉ាណែត ក្នុងឱកាសខួបចម្រើនជន្មាយុ

* ព្រះមហាក្សត្រ ផ្ញើព្រះរាជសារប្រសិទ្ធពរជ័យ និងកោតសរសើរការដឹកនាំរបស់ សម្តេចធិបតី ហ៊ុន ម៉ាណែត ក្នុងឱកាសខួបចម្រើនជន្មាយុ

* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍ថ្មីចុចអូសមើលវីដេអូខ្លីៗដូចបណ្តាញសង្គម TikTok

* សម្តេចមហាបវរធិបតី ហ៊ុន ម៉ាណែត ឈានចូលវ័យ៥០ឆ្នាំ

គណៈកម្មាធិការទទួលស្គាល់គុណភាពអប់រំនៃកម្ពុជា ទទួលស្គាល់គុណភាពអប់រំពេញសិទ្ធិ សម្រាប់រយៈពេល៥ឆ្នាំ របស់ពុទ្ធិកសាកលវិទ្យាល័យព្រះសីហនុរាជ

22-04-2026 16:53

(ភ្នំពេញ)៖ ពុទ្ធិកសាកលវិទ្យាល័យព្រះសីហនុរាជ ទទួលបានការទទួលស្គាល់គុណភាពអប់រំពេញសិទ្ធិសម្រាប់រយៈពេល៥ឆ្នាំ (២០២៥-២០២៩) ពីគណៈកម្មាធិការទទួលស្គាល់គុណភាពអប់រំនៃកម្ពុជា (គ.ទ.ក. ACC)។ នេះបើតាមសេចក្តីប្រកាសព័ត៌មាន របស់ពុទ្ធិកសាកលវិទ្យាល័យព្រះសីហនុរាជ ដែល Fresh News ទទួលបាន។

ការទទួលស្គាល់គុណភាពអប់រំពេញសិទ្ធិសម្រាប់រយៈពេល៥ឆ្នាំ (២០២៥-២០២៩) ពីគណៈកម្មាធិការទទួលស្គាល់គុណភាពអប់រំនៃកម្ពុជា (គ.ទ.ក. ACC) នេះជាសមិទ្ធផល និងជាឧត្តមភាពនៃភាពជោគជ័យ យ៉ាងត្រចះត្រចង់ ចំពោះកិច្ចខិតខំប្រឹងប្រែងបំពេញ បានតាមលក្ខខណ្ឌ នៃស្តង់ដានិងសូចនាករលម្អិតដែលបានកំណត់ ជាពិសេសវឌ្ឍនភាពនៃការរីកចម្រើនខ្លាំង របស់ពុទ្ធិកសាកលវិទ្យាល័យព្រះសីហនុរាជ ក្រោមការយកចិត្តទុកដាក់ ការឧបត្ថម្ភគាំទ្រជាប់ជាប្រចាំរបស់រាជរដ្ឋាភិបាលកម្ពុជា ក្រសួងធម្មការនិងសាសនា អគ្គាធិការដ្ឋានពុទ្ធិកសិក្សាជាតិ និង គណៈសង្ឃនាយក នៃព្រះរាជាណាចក្រកម្ពុជា ។

សូមរម្លឹកថា លទ្ធផល នៃការទទួលស្គាល់គុណភាពអប់រំពេញសិទ្ធិនេះ បន្ទាប់ពីគណៈកម្មាធិការទទួលស្គាល់គុណភាពអប់រំនៃកម្ពុជា បានចុះវាយតម្លៃកាលពីកំឡុង ខែតុលា ឆ្នាំ២០២៥ កន្លងទៅ។

បច្ចេកទេសវាយតម្លៃរបស់ គណៈកម្មាធិការទទួលស្គាល់គុណភាពអប់រំនៃកម្ពុជា (គ.ទ.ក. ACC) បានផ្តោតលើ៖
១៖ ការវាយតម្លៃបឋមលើរបាយការណ៍ស្វ័យវាយតម្លៃ
២៖ វាយតម្លៃលើឯកសារភស្តុតាង សង្កេត សម្ភាស សមណនិស្សិត និស្សិត គ្រូបង្រៀន មន្ត្រីសង្ឃ មន្ត្រីរាជការ និងគណៈគ្រប់គ្រង នៃពុទ្ធិកសាកលវិទ្យាល័យព្រះសីហនុរាជ
៣៖ ការវាយតម្លៃផ្ទាល់និងចុះពិនិត្យទីតាំង ហេដ្ឋារចនាសម្ព័ន្ធ សម្ភាររូបវន្ត ធនធានសិក្សាទាំងការរៀននិងការបង្រៀន
៤៖ ការផ្តល់លទ្ធផលត្រឡប់ផ្លូវការ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្តី ក្រសួងអប់រំ យុវជន និងកីឡា និងជាប្រធាន (គ.ទ.ក. ACC) ។

ជាមួយគ្នានោះដែរ គ.ទ.ក. ACC ក៏បានផ្តោតលើស្តង់ដាចំនួន៩ ស្មើនឹង៦៨សូចនាករ រួមមាន៖
១៖ ស្ដង់ដាផែនការយុទ្ធសាស្ត្រ (ចក្ខុវិស័យ បេសកកម្ម និងគោលដៅ)
២៖ ស្តង់ដាអភិបាលកិច្ចនិងការគ្រប់គ្រង
៣៖ ស្តង់ដាគ្រូបង្រៀន(បុគ្គលិកអប់រំ)
៤៖ ស្តង់ដាកម្មវិធីអប់រំ
៥៖ ស្តង់ដាសេវានិស្សិត
៦៖ ស្តង់ដាធនធានសិក្សា
៧៖ ស្ដង់ដាធនធានរូបវន្ត
៨៖ ស្ដង់ដាធនធានហិរញ្ញវត្ថុ
៩៖ ការធានាគុណភាពអប់រំផ្ទៃក្នុង។

សូមជម្រាបជូនថា លទ្ធផលវាយតម្លៃនេះ ពិតជាបានបង្ហាញអំពីកិត្យានុភាព ឧត្តមភាព និងការជឿទុកចិត្តមកលើពុទ្ធិកសាកលវិទ្យាល័យព្រះសីហនុរាជ ទាំងក្នុងក្របខណ្ឌជាតិនិងអន្តរជាតិ៕