(ភ្នំពេញ)៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកកម្ពុជា បានចេញអនុក្រឹត្យស្តីពី «ការរៀបចំ និងការប្រព្រឹត្តទៅរបស់ក្រសួងវប្បធម៌ និងវិចិត្រសិល្បៈ» ដែលបំពេញមុខងារស្នូលរួមមាន៖

(១)៖ ដឹកនាំ និងគ្រប់គ្រងវិស័យវប្បធម៌និងវិចិត្រសិល្បៈ​ នៃព្រះរាជាណាចក្រកម្ពុជា,
(២)៖ គ្រប់គ្រង សហការ និងសម្របសម្រួលការអប់រំ ការបណ្តុះបណ្តាល និងការសិក្សាស្រាវជ្រាវវិស័យវប្បធម៌និងសិល្បៈ,
(៣)៖ អនុវត្តភារកិច្ចផ្សេងទៀតតាមការប្រគល់ពីប្រមុខរាជរដ្ឋាភិបាល។

នៅក្នុងមុខងារស្នូលនីមួយៗ មានមុខងាររងនៃមុខងារស្នូល ដើម្បីអនុវត្តការងារ រួមជាមួយនឹងអគ្គលេខាធិការដ្ឋាន ដែលត្រូវបំពេញមុខងារគាំទ្រដែលបានកំណត់ ដើម្បីគាំទ្រដល់ដំណើរការប្រចាំថ្ងៃរបស់ក្រសួងវប្បធម៌និងវិចិត្រសិល្បៈ។

អនុក្រឹត្យនេះ ជាលទ្ធផលមួយក្នុងចំណោមសមិទ្ធផលនៃការអនុវត្តវិធានការគន្លឹះទី២ ក្នុងការកែទម្រង់រដ្ឋបាលសាធារណៈ ពោលគឺ ការពង្រឹងសមត្ថភាព និងសមិទ្ធកម្មស្ថាប័ន ដើម្បីលើកកម្ពស់គុណភាពការងារ ប្រកបដោយវិន័យ សីលធម៌ វិជ្ជាជីវៈ ប្រសិទ្ធភាព និងស័ក្តិសិទ្ធិភាព៕