(ឧត្តរមានជ័យ)៖ ដោយបានការអនុញ្ញាត និងជាតំណាងពីនាយឧត្តមសេនីយ៍ ស ថេត អគ្គស្នងការនគរបាលជាតិ, នារសៀលថ្ងៃ​ទី២៣ ខែមេសា ឆ្នាំ២០២៦ ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ បានអញ្ជើញប្រគល់ម៉ូតូចំនួន៤០គ្រឿង ដល់វរសេនាតូចនគរបាលការពារព្រំដែននគោកលេខ ៧០២-៩០៥ នៅខេត្តឧត្តរមានជ័យ។

ពិធីនេះ មានការអញ្ជើញចូលរួមពីឧត្តមសេនីយ៍ឯក ប៊ុនប៉ា ម៉ារីលុច អគ្គស្នងការរងនគរបាលជាតិ និងលោកឧត្តមសេនីយ៍ទោ ស៊ឹម សំអាត ប្រធាននាយកដ្ឋាននគរបាលការពារព្រំដែនគោក។

សូមជម្រាបថា ម៉ូតូចំនួន ៤០គ្រឿងខាងលើនេះ ឧត្តមសេនីយ៍ឯក ហែម សុវត្ថិ បានប្រគល់ជូនឧត្តមសេនីយ៍ឯក ប៊ុនប៉ា ម៉ារីលុច នៅខេត្តឧត្តរមានជ័យ ចំនួន២០គ្រឿង និងម៉ូតូចំនួន ២០គ្រឿងទៀត ប្រគល់ជូន លោកឧត្តមសេនីយ៍ទោ ស៊ឹម សំអាត ដើម្បីបម្រើដល់ការងារជំនាញ និងរក្សាការពារសន្តិសុខ សុវត្ថិភាពសង្គម៕