(ភ្នំពេញ)៖ បណ្តាញស្ថានីយសាកថ្មរថយន្តអគ្គិសនីនៅកម្ពុជាជាច្រើនកាន់តែមានភាពរឹងមាំ និងទំនើបជាងមុន ខណៈនេះក្រុមហ៊ុន Khmer EV និង Cam EV បានបង្ហាញវត្តមានម៉ាស៊ីនសាកថ្មកម្លាំងខ្លាំងចាប់ពី 160kw ដល់ 240kW ជិត១០០គ្រឿងទៀត ដើម្បីពង្រីកវិសាលភាពបម្រើសេវាកម្មជូនអតិថិជន។

ស្របពេលការពង្រីកទីតាំងសាកថ្មឡានអគ្គិសនីកាន់តែកើនឡើង ធ្វើឲ្យបងប្អូនកាន់តែងាយស្រួលក្នុងស្វែងរកទីតាំងសាកនោះគឺ កម្មវិធី Fresh AI ដែលមានមុខងារឆ្លាតវៃ EV Zone បង្ហាញគ្រប់ទីតាំងសាកថ្មឡានអគ្គិសនីជាង២៣០កន្លែងទូទាំងប្រទេស។ លោកអ្នកអាចប្រើប្រាស់មុខងារ EV Zone ដែលមានស្រាប់នៅក្នុងកម្មវិធី Fresh AI ក្នុងការស្វែងរកស្ថានីយជិតបំផុតនោះ។

ការនាំចូលនូវម៉ាស៊ីនសាកថ្មខ្នាតកម្លាំងធំៗ និងការអភិវឌ្ឍមុខងារឆ្លាតរបស់ EV Zone គឺជាជំហានដ៏សំខាន់ក្នុងការជំរុញការប្រើប្រាស់ថាមពលបៃតងនៅកម្ពុជា ជាមួយទិន្នន័យទីតាំងច្បាស់លាស់ ឈប់បារម្ភរឿងអស់ថ្មពាក់កណ្តាលផ្លូវ ជាមួយបណ្តាញស្ថានីយសាកថ្មដែលរីកដុះដាលដូចផ្សិត។

សូមជំរាបថា ស្ថិតិចុះបញ្ជីយានយន្តអគ្គិសនី សរុបគិតត្រឹម ខែមីនា ឆ្នាំ២០២៦ ចុះបញ្ជីសរុបបានចំនួន ១៦,២១០គ្រឿង ក្នុងនោះទោចក្រយានយន្ត ៣,៨៣២គ្រឿង ត្រីចក្រយានយន្ត ៧២២គ្រឿង និងរថយន្ត ១១,៦៥៦គ្រឿង៕