(ភ្នំពេញ)៖ លោក សរ បូរីរក្ស នាយកវិទ្យាស្ថានជាតិសង្គមកិច្ច ចូលរួមក្នុងកិច្ចប្រជុំជាមួយសមាជិក និងទីប្រឹក្សា ដើម្បីរៀបចំផែនការ និងបង្កើតមជ្ឈមណ្ឌលគាំទ្រការចាប់ផ្តើមអាជីវកម្ម និងនវានុវត្តន៍កម្ពុជា (CSISC)។

លោកបន្តថា គោលបំណងសំខាន់នៃថ្នាល CSISC នេះ ដែលត្រូវបានរចនាឡើងដើម្បីបំប្លែងសក្តានុពលជាតិរបស់និស្សិតនៅក្នុង NISA និងមន្ត្រីនៃក្រសួងសង្គមកិច្ច អតីតយុទ្ធជន និងយុវនីតិសម្បទា ទៅជាទិន្នផលសេដ្ឋកិច្ចពិតប្រាកដ ដែលត្រូវបានរចនាឡើងសម្រាប់ការអនុវត្ត។ ទន្ទឹមនឹងនេះ CSICS មានគោលបំណងជំរុញការអភិវឌ្ឍយុវជន នវានុវត្តន៍ឌីជីថល និងការរីកចម្រើននៃប្រព័ន្ធអេកូឡូស៊ីធុរកិច្ចថ្មីរបស់កម្ពុជា។

លោក Kim Hyung Jun នាយកប្រតិបត្តិស្ថាបនិក និងសាស្រ្តាចារ្យ LEE KYOUNG HO និងបណ្ឌិត KYOUNG SOO BOK ផ្តល់ការបរិច្ចាគលើកុំព្យូទ័រដល់ NISA ជាជំហានដំបូង ដើម្បីធ្វើឱ្យប្រសើរឡើងនូវមជ្ឈមណ្ឌលគាំទ្រនវានុវត្តន៍នៅក្នុង NISA។

លោក សរ បូរីរក្ស នាយកវិទ្យាស្ថានជាតិសង្គមកិច្ច បានលើកឡើងថា វាជាពេលវេលាដ៏ត្រឹមត្រូវសម្រាប់ NISA ក្នុងការរៀបចំ CSISC មិនត្រឹមតែការអប់រំប៉ុណ្ណោះទេ ប៉ុន្តែការរួមបញ្ចូលគម្រោងសាកល្បងពិតប្រាកដ ការផលិត និងការដំឡើងជាក់ស្តែង បង្កើតការងារដោយផលិតផល និងការកសាង Cambodia Brand ដោយរួមបញ្ចូលទាំងសង្គម + វប្បធម៌ បច្ចេកវិទ្យា និងការរួមបញ្ចូលឌីជីថល៕