(ភ្នំពេញ)៖ លោក ចេង មុនីរ៉ា អភិបាលខណ្ឌសែនសុខ នៅថ្ងៃទី២៣ ខែមេសា ឆ្នាំ២០២៦ បានដឹកនាំក្រុមការងារ​ សហការជាមួយមន្ទីរសាធារការ និងដឹកជញ្ជូនរាជធានីភ្នំពេញ ដាក់រថយន្តធ្វើការបូមស្តារអណ្តូងលូ និងប្រព័ន្ធលូ តាមបណ្តោយផ្លូវលេខ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ដើម្បីត្រៀមបង្ការការស្ទះជន់លិចលង់ជូនប្រជាពលរដ្ឋ មុនរដូវវស្សារមកដល់។

ជាមួយការចុះពិនិត្យសកម្មភាពការបូមស្តារអណ្តូងលូ និងប្រព័ន្ធលូ តាមបណ្តោយផ្លូវលេខ១៩៨៦ ភូមិភ្នំពេញថ្មីនេះ លោក ចេង មុនីរ៉ា បានជំរុញឲ្យក្រុងការងារធ្វើយ៉ាងណា ចុះធ្វើការសម្របសម្រួល និងណែនាំប្រជាពលរដ្ឋធ្វើយ៉ាងណាឲ្យប្រជាពលរដ្ឋ សហការជាមួយក្រុមការងារ ដើម្បីបើកគម្របលូកាយសំរាម ស្ដារអណ្តូងលូនេះ ឲ្យបានជោគជ័យ ទៅតាមគម្រោងដែលបានគ្រោងទុក ដោយហេតុថា ប្រព័ន្ឋលូបង្ហូទឹកនេះ មានសារៈសំខាន់ណាស់ ក្នុងការលំហូរទឹកចេញពីភូមិឋាន ទៅកាន់ប្រព័ន្ឋលូមេ។

លោក ចេង មុនីរ៉ា បានបញ្ជាក់ថា ការចុះដាក់រថយន្តបូមលូនេះ ដើម្បីស្តារប្រព័ន្ឋលូបង្ហូរទឹកមានសភាពកកស្ទះ ទឹកមិនសូវហូរលឿន ដូចមុនៗ និងតាមការណែនាំពីលោក ឃួង ស្រេង អភិបាលរាជធានី លោកក៏បានដឹកនាំក្រុមការងារ ចុះស្តារប្រព័ន្ឋលូ នៅក្នុងមូលដ្ឋានគ្រប់ផ្លូវ ដោយមិនចាំតែនៅពេលមានភ្លៀងធ្លាក់ ហើយទឹកជន់លិចផ្លូវ លិចផ្ទះប្រជាពលរដ្ឋ ទើបនាំគ្នាចុះស្តារនោះទេ គឺថា លោកតែងតែដឹកនាំ កម្លាំងធ្វើការស្តារគ្រប់ទាំងអស់។

ក្នុងឱកាសនៃការចុះពិនិត្យ មើលស្ថានភាពប្រព័ន្ឋលូ គម្របលូ អណ្តូងលូខាងលើនេះ លោក ចេង មុនីរ៉ា បានជំរុញឲ្យក្រុមការងារ ចុះធ្វើការសម្របសម្រួល និងណែនាំប្រជាពលរដ្ឋ ធ្វើយ៉ាងណាឲ្យប្រជាពលរដ្ឋ សហការជាមួយក្រុមការងារ ដើម្បីបើកគម្របលូកាយសំរាម ស្ដារអណ្តូងលូនេះ ឲ្យបានជោគជ័យ ទៅតាមគម្រោងដែលបានគ្រោងទុក ដោយហេតុថា ប្រព័ន្ឋលូបង្ហូទឹកនេះ មានសារៈសំខាន់ណាស់ ក្នុងការលំហូរទឹកចេញពីផ្លូវទៅកាន់ប្រព័ន្ឋលូមេ។

ជាមួយគ្នានេះ លោក ចេង មុនីរ៉ា អភិបាលខណ្ឌសែនសុខ ក៏សូមអំពាវនាវដល់ប្រជាពលរដ្ឋ នៅតាមផ្ទះទាំងអស់ មិនត្រូវចោលសំរាមផ្តេសផ្តាស នាំឲ្យមានការស្ទះលូនោះទេ ត្រូវមានការទុកសំរាម ឲ្យបានត្រឹមត្រូវ ដើម្បីបង្កាការកកស្ទះ ឬជន់លិចតទៅទៀត៕