មេបញ្ជាការកងទ័ពជើងគោកកម្ពុជា-ជប៉ុន ជួបពិភាក្សាតាមប្រព័ន្ធវីដេអូ ដើម្បីពង្រឹងទំនាក់ទំនងទ្វេភាគី
23-04-2026 20:02
(ភ្នំពេញ)៖ នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅថ្ងៃទី២៣ ខែមេសា ឆ្នាំ២០២៦នេះ បានជួបពិភ្សាការងារជាមួយនាយឧត្តមសេនីយ៍ ARAI MASAYOSHI មេបញ្ជាការកងស្វ័យការពារជើងគោកជប៉ុន តាមប្រព័ន្ធវីដេអូ ដើម្បីពង្រឹងទំនាក់ទំនងទ្វេភាគី កងទ័ពជើងគោក កម្ពុជា-ជប៉ុន។
ការពិភាក្សាបានផ្តោតលើការពង្រឹងកិច្ចសហប្រតិបត្តិការកងទ័ពជើងគោក តាមរយៈការបណ្តុះបណ្តាល ការកសាងសមត្ថភាព ការផ្លាស់ប្តូរទស្សនកិច្ចទៅវិញទៅមក និងកិច្ចសហប្រតិបត្តិការការងារបញ្ជូនសារ។ ភាគីទាំងពីរបានឯកភាពបន្តពង្រឹងទំនាក់ទំនងឲ្យកាន់តែជិតស្និទ្ធ និងលើកកម្ពស់ភាពជាដៃគូឲ្យកាន់តែរឹងមាំ៕
