(ភ្នំពេញ)៖ ខណៈពេលដែលឱកាសចំណាកស្រុកជាសាកលកំពុងមានការវិវឌ្ឍជាបន្តបន្ទាប់ បញ្ញវន្ត និងអ្នកជំនាញកម្ពុជាកាន់តែច្រើនឡើងកំពុងស្វែងរកការណែនាំដ៏គួរឱ្យទុកចិត្ត ដើម្បីសម្របខ្លួនទៅនឹងប្រព័ន្ធទិដ្ឋាការដ៏ស្មុគស្មាញ និងចាប់យកឱកាសការងារក្នុងកម្រិតអន្តរជាតិ។
ឆ្លើយតបទៅនឹងតម្រូវការនេះ ទីភ្នាក់ងារ Global International Migration Agents បានរៀបចំសិក្ខាសាលាមួយក្រោមប្រធានបទ «ការធ្វើចំណាកស្រុកផ្អែកលើជំនាញ» កាលពីថ្ងៃទី២៥ ខែមេសា ឆ្នាំ២០២៦ នៅ Factory ភ្នំពេញ។

សិក្ខាសាលានេះបានទាក់ទាញចំណាប់អារម្មណ៍យ៉ាងខ្លាំងពីសំណាក់យុវជន និងបុគ្គលិកជំនាញ ដែលមានបំណងចង់ស្វែងរកឱកាសការងារទៅប្រទេសអូស្ត្រាលី និងនូវែលសេឡង់។ កម្មវិធីនេះបានផ្តល់នូវចំណេះដឹងយ៉ាងច្បាស់លាស់អំពីប្រភេទនៃទិដ្ឋាការ ឱកាសការងារ និងការរៀបចំផែនការស្នាក់នៅរយៈពេលវែង។ ក្នុងវគ្គពិភាក្សា អ្នកចូលរួមត្រូវបានណែនាំអំពីជម្រើសវីសាផ្សេងៗ រួមមាន ទិដ្ឋាការជំនាញ (Skilled Migration), ការធានាដោយនិយោជក (Employer Sponsored) និងវីសាដទៃៗទៀតផងដែរ។

ព្រឹត្តិការណ៍នេះ គឺមានវត្តមានរបស់ភ្នាក់ងារអន្តោប្រវេសន៍ដែលបានចុះបញ្ជីជាផ្លូវការ របស់ប្រទេសអូស្ត្រាលី និងនូវែលសេឡង់ លោក វី វឌ្ឍនៈ (MARN 2217981, LIA 202600580) ដើម្បីផ្តល់ការយល់ដឹងស៊ីជម្រៅអំពីភាពស្មុគស្មាញនៃឯកសារ តម្រូវការផ្លូវច្បាប់ និងដំណោះស្រាយចំពោះបញ្ហានានា ជាពិសេសករណីដែលធ្លាប់ត្រូវបានបដិសេធទិដ្ឋាការពីមុនមក។

សិក្ខាសាលានេះបានសង្កត់ធ្ងន់ថា បេក្ខជនជាច្រើនបានជួបការលំបាកដោយសារតែការរៀបចំឯកសារមិនគ្រប់គ្រាន់ ឬ ការយល់ច្រឡំលើលក្ខខណ្ឌតម្រូវរបស់ក្រសួងអន្តោប្រវេសន៍។ តាមរយៈការទទួលបានប្រឹក្សាផ្ទាល់ជាមួយភ្នាក់ងារចុះបញ្ជីជាផ្លូវការ របស់ប្រទេសអូស្ត្រាលី និងនូវែលសេឡង់ លោក វី វឌ្ឍនៈ អ្នកចូលរួមទទួលបានព័ត៌មានដែលត្រឹមត្រូវ និងបច្នុប្បន្នភាពចុងក្រោយបំផុតតាមស្តង់ដារផ្លូវការ ដែលជួយកាត់បន្ថយហានិភ័យផ្សេងៗ។

Global International Migration Agents គឺជាក្រុមហ៊ុនប្រឹក្សាយោបល់កម្រិតអន្តរជាតិដែលមានប្រតិបត្តិការទាំងនៅកម្ពុជា និងអូស្ត្រាលី។ បង្កើតឡើងដោយលោក វី វឌ្ឍនៈ ក្រុមហ៊ុនផ្តល់សេវាកម្មយ៉ាងទូលំទូលាយដូចជា៖

* ការរៀបចំឯកសារធ្វើចំណាកស្រុក មកកាន់់ប្រទេសអូស្ត្រាលី និងនូវែលសេឡង់
* ការចុះឈ្មោះចូលរៀន និងទិដ្ឋាការសិស្សគ្រប់ប្រភេទគ្រប់សាលា
* ទិដ្ឋាការដែលធានាដោយនិយោជក និងទិដ្ឋាការរៀបការ
* ការដោះស្រាយករណីបដិសេធទិដ្ឋាការ និងការតវ៉ាផ្សេងៗជាមួយក្រសួងអន្តោប្រវេសន៍របស់់ប្រទេសអូស្ត្រាលី និងនូវែលសេឡង់។

សម្រាប់ព័ត៌មានបន្ថែម សូមទាក់ទងមកកាន់គេហទំព័រផ្លូវការ៖ globalinternational.com.au និងគេហទំព័រហ្វេសបុក៖ https://www.facebook.com/camboausmigration

លេខទូរស័ព្ទ និងតេឡេក្រាម៖ ០១៤ ២៣៦ ១៦៨ និងមានទីតាំងស្ថិតនៅ Factory ភ្នំពេញ៕⁩