(ភ្នំពេញ)៖ ពិធីបុណ្យទក្ខិណានុប្បទានគម្រប់ខួប ១០០ថ្ងៃ ឧទ្ទិសកុសលជូនចំពោះវិញ្ញាណក្ខន្ធ ឯកឧត្តម ធ្វាំ ប៊ុនស្រុន អតីតអភិបាលខេត្តព្រះសីហនុ និងជាអតីតសមាជិកព្រឹទ្ធសភា នឹងរៀបចំនៅថ្ងៃទី២ ខែឧសភា ឆ្នាំ២០២៦។ ពិធីបុណ្យនេះប្រារព្ធធ្វើនៅសាលាធម្មសធា វត្តបទុមវតី សង្កាត់ចតុមុខ ខណ្ឌដូនពេញ រាជធានីភ្នំពេញ។

ឯកឧត្តម ធ្វាំ ប៊ុនស្រុន បានទទួលមរណភាព នាថ្ងៃពុធ ទី២៨ ខែមករា ឆ្នាំ២០២៦ នៅទីក្រុងកាន់បេរា ប្រទេសអូស្ត្រាលី ក្នុងជន្មាយុ ៨៣ឆ្នាំ។

សូមជម្រាបថា ព្រះករុណា ព្រះសម្តេច ព្រះបរមនាថ នរោត្តម សីហមុនី បាទប្រទានព្រះរាជសាររំលែកទុក្ខ ដល់លោកជំទាវ យ៉ែម សួស្តី ភរិយា ឯកឧត្តម ធ្វាំ ប៊ុនស្រុន ចំពោះមរណភា​ពឯកឧត្តម ផងដែរ៕