(ភ្នំពេញ)៖ ទិវាពលកម្មអន្តរជាតិ ១ ឧសភា ជាព្រឹត្តិការណ៍ប្រវត្តិសាស្ត្ររបស់កម្មករ និយោជិក ដែលត្រូវបានរាជរដ្ឋាភិបាលកម្ពុជា ប្រារព្ធឡើងជារៀងរាល់ឆ្នាំ ចាប់តាំងពីថ្ងៃ ៧មករា ឆ្នាំ១៧៧៩មក ហើយក្នុងឆ្នាំ២០២៦ ក្នុងស្ថានភាពនៃពិភពលោកបច្ចុប្បន្ននេះ មានភាពមិនប្រាកដប្រជា ជាមួយការផ្ទុះឡើងនូវវិបត្តិជាច្រើន ជាពិសេសសង្គ្រាមនូវមជ្ឈឹមបូព៍ា កម្ពុជាបានដាក់ចេញនូវប្រធានបទថ្មីមួយគឺ៖ «រួមគ្នាកសាងភាពធន់ ដើម្បីការងារសមរម្យ» ក្នុងគោលបំណងដើម្បីពង្រឹងផ្ទៃក្នុងឱ្យបានរឹងមាំ ដើម្បីទប់ទល់នឹងឥទ្ធិពលពីខាងក្រៅ ប្រកបដោយចក្ខុវិស័យវែងឆ្ងាយ និងជោគវាសនាជាតិទាំងស្រុង។

សូមបញ្ជាក់ថា ទិវាពលកម្មអន្ដរជាតិគឺជាទិវាថ្ងៃឈប់សម្រាកមួយ ដែលបណ្ដាប្រទេសជាច្រើននៅទូទាំងពិភពលោក បានប្រារព្ធឡើងជារៀងរាល់ឆ្នាំ ដែលក្រៅពីរំឭកនិងឧទ្ទិសដឹងគុណដល់វីរភាពដ៏អង់អាចក្លាហាននៃអតីតកម្មករ-កម្មការនី ដែលបានប្រឹងប្រែងតស៊ូពុះពារនិងប្ដូរជីវិត ដើម្បីការងារនិងសិទ្ធិសេរីភាពកម្មកររហូតមកដល់បច្ចុប្បន្ន។ ក៏មានគោលបំណងឱ្យតម្លៃទៅលើពលកម្មរបស់មនុស្ស រួមចំណែកដល់ការអភិវឌ្ឍបង្កើតប្រាក់ចំណូលសម្រាប់គ្រួសារ និងសង្គមជាតិ។ កំណត់ស្ដង់ដារប្រាក់ឈ្នួលឱ្យត្រឹមត្រូវ និងការផ្ដល់ប្រាក់ឈ្នួលដោយមិនមានការរើសអើង។ កែលម្អលើកស្ទួយបញ្ហាសុខភាព និងសុវត្ថិភាពនៅកន្លែងធ្វើការឱ្យបានសមរម្យនិងស្អាតបាត ដើម្បីបង្ការនិងដោះស្រាយជាតិពុល និងគ្រោះថ្នាក់ការងារឱ្យបានល្អ៕

ខាងក្រោមនេះជាវីដេអូទាំងស្រុងរបស់ក្រសួងការងារ និងបណ្តុះបណ្តាលវិជ្ជាជីវៈ៖