(ត្បូងឃ្មុំ)៖ ក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលខេត្តត្បូងឃ្មុំ នៅថ្ងៃទី៣០ ខែមេសា ឆ្នាំ២០២៦ បានរៀបចំពិធីចុះកិច្ចសន្យាផលិតកម្មកសិកម្មទិញ លក់ជ័រកៅស៊ូទឹក ជ័រកៅស៊ូបង្កក ម្រេច ពោតក្រហម និងស្រូវ រវាងក្រុមហ៊ុនចំការកៅស៊ូមេមត់ ក្រុមហ៊ុន FUCHS កម្ពុជា ឯ.ក និងសហគមន៍កសិកម្មត្បូងឃ្មុំ។

ពិធីនេះ ប្រព្រឹត្តិទៅក្រោមអធិបតីភាពលោក រស់ សុដែន រដ្ឋលេខាធិការ តំណាងលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក គន់ រ័ត្នមុនី អភិបាលរងខេត្ត តំណាងលោក ប៉ែន កុសល្យ អភិបាលខេត្តត្បូងឃ្មុំ។

សូមបញ្ជាក់ថា ការចុះកិច្ចសន្យានេះ ដើម្បីធានាទីផ្សារ និងតម្លៃ ជូនកសិករ ក្នុងខេត្តត្បូងឃ្មុំ។ ក្នុងនោះ មាន១០កិច្ចសន្យា តម្លៃទឹកប្រាក់សរុប ៖ ប្រមាណ ១,៣០០,០០០ ដុល្លារអាមេរិក។

កិច្ចសន្យាដែលចុះរួមមាន៖ ជ័រកៅស៊ូចំនួន ០៧ កិច្ចសន្យា (បរិមាណ ១,០៦០ តោន), ម្រេចខ្មៅសុវត្ថិភាព ចំនួន០១កិច្ចសន្យា (បរិមាណ ១០០ តោន), ស្រូវសែនក្រអូប ចំនួន០១កិច្ចសន្យា (បរិមាណ ២៦.៥០ តោន) ពោតក្រហមចំនួន០១កិច្ចសន្យា (បរិមាណ ១៥០ តោន)៕