(សៀមរាប)៖ ដោយទទួលបានការណែនាំរបស់លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល លោកបណ្ឌិត កែរ រដ្ឋា រដ្ឋលេខាធិការក្រសួងសុខាភិបាល និងលោកឱសថការី បាន បុត្តា អនុរដ្ឋលេខាធិការក្រសួងសុខាភិបាល កាលពីចុងខែមេសា ឆ្នាំ២០២៦កន្លងទៅនេះ​ បានអញ្ជើញចុះពង្រឹងគុណភាពសេវាមន្ទីរពេទ្យបង្អែក ស្រុកចំនួន៥ រួមមាន៖​ មន្ទីរពេទ្យបង្អែក សូត្រនិគម, រុនតាឯក , អង្គរជុំ , ពួក និង ក្រឡាញ់ នៅក្នុងខេត្តសៀមរាប។

ក្នុងឱកាសបំពេញបេសកកម្មនេះលោក បណ្ឌិត កែរ រដ្ឋា បានពាំនាំនូវការផ្តាំផ្ញើសួរសុខទុក្ខពីលោកសាស្ត្រាចារ្យ រដ្ឋមន្ត្រី ជូនដល់ថ្នាក់ដឹកនាំមន្ត្រីរាជការ បុគ្គលិក មន្ទីរពេទ្យទាំងអស់ ខិតខំប្រឹងប្រែង លះបង់ខ្ពស់ក្នុងការងារបំរើសេវាសុខាភិបាលជូនប្រជាពលរដ្ឋ ទទួលបានលទ្ធផលល្អប្រសើរ។

លោកក៏បានណែនាំដល់ថ្នាក់ដឹកនាំ មន្ត្រី រាជការ បុគ្គល ទាំងអស់ ត្រូវបង្កើនការយកចិត្តទុកដាក់ ផ្តល់សេវាសុខាភិបាល ប្រកបដោយគុណភាព ប្រសិទ្ធភាព ប្រកបដោយវិជ្ជាជីវៈ ជូនប្រជាពលរដ្ឋដោយសមធម៌ និងបន្តស្មារតីសាមគ្គីភាពផ្ទៃក្នុង គោរពវិន័យការងារប្រកាន់ខ្ជាប់ ខ្ជួននូវក្រមសីលធម៌វិជ្ជាជីវៈសុខាភិបាល មិនត្រូវរើសអើង អ្នកជំងឺណាម្នាក់ ជាពិសេសអ្នកជំងឺក្រីក្រ អ្នកជំងឺមានបណ្ណមូលនីធិសមធម៌ ងាយរង គ្រោះ ងាយហានិភ័យ ជនមានពិការភាព និងអ្នកជំងឺ ប.ស.ស ។

លោកបណ្ឌិត កែរ រដ្ឋា បានបញ្ជាក់ទៀត ថា ក្រោមកា ដឹកនាំដ៏ប៉ិនប្រសប់របស់ លោកសាស្ត្រាចារ្យ ឈាង រ៉ា មន្ត្រីក្រសួងសុខាភិបាល ក្នុ ងរាជរដ្ឋាភិបាលនីតិកាលទី៧ ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី វិស័យសុខាភិបាល បច្ចុប្បន្ន មានការរីកចម្រើនជាទី មោទន:។

ក្នុងឆ្នាំ២០២៥កន្លងទៅ នេះរាជរដ្ឋាភិបាល បានផ្តល់ថវិកា សម្រាប់អភិវឌ្ឍមន្ទីរពេទ្យ ចំនួន៦១ កំរិត១ និងកំរិត២ ឱ្យមាន សមត្ថភាពផ្នែកវះកាត់ សង្គ្រោះបន្ទាន់ សង្រ្គោះទារក និងថែទាំអ្នកជំងឺធ្ងន់ធ្ងរ បង្ខិត សេវាសុខាភិបាលឱ្យកាន់តែកៀកនឹងប្រជាពលរដ្ឋ ដេីម្បីកាត់បន្ថយការបញ្ជូនទៅមន្ទីរពេទ្យថ្នាក់ជាតិ កាត់បន្ថយ ការចំណាយ និងពេលវេលារបស់ប្រជាពលរដ្ឋ និងកាត់ បន្ថយភាពក្រីក្រ៕