(ភ្នំពេញ)៖ ការស្តារឡើងវិញនៃសន្តិភាព បើកឱកាសថ្មីឱ្យសហរដ្ឋអាមេរិកពង្រឹងការធ្វើការជាមួយកម្ពុជា ដើម្បីលើកកម្ពស់ស្ថិរភាពតំបន់ និងជំរុញឱ្យមានតំបន់ឥណ្ឌូ-ប៉ាស៉ីហ្វិក ដែលមានភាពសេរី និងបើកចំហ។ នេះជាសាររបស់ស្ថានទូតអាមេរិកប្រចាំនៅកម្ពុជា នៅថ្ងៃទី២ ខែឧសភា ឆ្នាំ២០២៦ ជាមួយរូបភាពផ្តល់ជំនួយដល់ប្រជាពលរដ្ឋកម្ពុជា ដែលកំពុងភៀសសឹក។

ស្ថានទូតអាមេរិក បានសរសេរសារបន្តថា ការផ្តល់ទីតាំងស្នាក់នៅដែលមានសុវត្ថិភាព និងធនធានសម្រាប់ស្តារជីវភាពឡើងវិញ គឺមានសារៈសំខាន់ចំពោះសុវត្ថិភាព និងសុខុមាលភាពរបស់គ្រួសារដែលត្រូវបានផ្លាស់ទី ដែលជាជំហានគ្រឹះសម្រាប់ស្ថិរភាពប្រទេស ក្នុងរយៈពេលវែង។ កម្មវិធីជំនួយបរទេសរបស់សហរដ្ឋអាមេរិកនេះ មិនគ្រាន់ តែជាការជួយសម្រាលបន្ទុកបន្ទាន់ទេ ប៉ុន្តែជាការបង្កើតនូវភាពរឹងប៉ឹងដោយខ្លួនឯងបាន។

«យើងផ្តល់នូវឧបករណ៍ ដែលគ្រួសារទាំងនេះត្រូវការ ដើម្បីស្តារជីវភាពពួកគេឡើងវិញ ការខិតខំរបស់យើងគាំទ្រដោយផ្ទាល់ដល់សន្តិភាពដ៏យូរអង្វែងនៅក្នុងតំបន់ និងធានាថាដំណើរការនៅក្រោមកិច្ចព្រមព្រៀងសន្តិភាពទីក្រុងកូឡាឡាំពួរ នាំឱ្យមានលទ្ធផលជាក់ស្តែង»។ នេះជាសាររបស់ស្ថានទូតអាមេរិក៕