(ភ្នំពេញ)៖ ក្រោមការយកចិត្តទុកដាក់របស់លោក ប៉េង ពោធិ៍នា រដ្ឋមន្ត្រីក្រសួងសាធាណការ និងដឹកជញ្ជូន ក្រុមការងារមន្ទីរសាធារណការ និងដឹកជញ្ជូន រាជធានី-ខេត្ត តែងតែមានសកម្មភាពជាប់ជាប្រចាំក្នុងការចុះជួសជុលថែទាំកំណាត់ផ្លូវជាតិ តាមបណ្ដារាជធានី-ខេត្ត ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ និងជៀសវាងគ្រោះថ្នាក់ជាយថាហេតុផ្សេងៗ។

ជាក់ស្តែងនៅថ្ងៃទី២៩ - ៣០ ខែមេសា ឆ្នាំ២០២៦កន្លងទៅនេះ ក្រុមការងារមន្ទីរសាធារណការ និងដឹកជញ្ជូន ខេត្តកណ្តាល ស្ទឹងត្រែង សៀមរាប បន្ទាយមានជ័យ ឧត្តរមានជ័យ ក្រចេះ រតនគិរី មណ្ឌលគិរី កំពង់ឆ្នាំង ពោធិ៍សាត់ បាត់ដំបង ប៉ៃលិន កំពត កែប កំពង់ស្ពឺ ព្រះសីហនុ កោះកុង តាកែវ ត្បូងឃ្មុំ កំពង់ចាម ស្វាយរៀង ព្រៃវែង និងខេត្តព្រះវិហារ បានចុះជួសជុលថែទាំលើផ្លូវជាតិសំខាន់ៗ នៅតាមបណ្ដាខេត្តរបស់ខ្លួនជាប្រចាំ។

សកម្មភាពជួសជុលថែទាំជាប្រចាំនេះ ធ្វើនៅលើកំណាត់ផ្លូវទាំងឡាយណា ដែលបានខូចខាត និងមានជង្ហុកសំបុកមាន់ ដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋ ឱ្យកាន់តែមានភាពងាយស្រួល និងការដឹកជញ្ជូនទំនិញឆ្លងកាត់បានចំណេញពេលវេលា ចំណេញថវិកា ព្រមទាំងបង្កើននូវសោភ័ណភាពតាមដងផ្លូវផងដែរ៕